Liverpool chuan tukin zinglam dar 1:30 khan an khelmual Anfield ah UCL nomawi kawl mêk tu Real Madrid an lo mikhual a, inkhel result chu 2-5 niin Spanish club ropui Real Madrid hmaah English club ropui Liverpool an mualpho chiang hle!
He inkhelah hian Liverpool lam chuan Nunez leh Salah te goal hmangin 2-0 in hma hruai zet tawh mahse Vinicius Jr atangin first half chhungin goal hnih kan hmu hman a, chawlhlawk hma in team pahnihte an in draw leh dêr tawh.
2nd half ah Real Madrid an khel tha leh zual a, France striker Karim Benzema an goal hnih a khung bakah Brazilian defender Eder Militao chuan vawi khat a tauh goal ve bawk.
Man of the Match Award dawngtu Vinicius Jr chuan Reds lakah hian goal hnih leh assist vawi 1 a thawkchhuak a, mual veilamah a tal na in Liverpool defender te tan a hnawksak takzet.
1st leg ah Real Madrid an chungnung phawt a, 2nd leg hi thlaleh March ni 16 zinglam dar 1:30 a khelh leh tur a ni dawn a, Santiago Bernabeu ah team pahnihte an innuai ve tawh thung ang.
Real Madrid laka an mualpho hnuin Liverpool chuan record duhawm lo zet mai tukin zinglam khan an siam a, chu chu European competition a an khelmual Anfield ngei a goal an chhuah (5 goals) tam ber tum a ni!
Hetih mêk lai hian season hmasa UCL knockout round a Paris Saint Germain, Chelsea leh Manchester City laka lo comeback tawh Real Madrid in kumina knockout round game hmasa berah Liverpool lakah an comeback leh ta phawt chu a ni a, second leg match pawh an tan a awlsam phah sawt dawn. UCL champion Carlo Ancelotti leh a nau te hian an nomawi kawl mêk humhim tura an la that tawk zia Anfield an an pholang phawt!