An kum tak tak sawi lova, in sawi naupang Player te

Tun hnai lawk khan African national team captain pakhat chu a kum tak tak a sawi loh vangin thiam loh chantir a ni. Tun tumah hian footballer dang, mahni pianni leh thla tak tak sawilo thenkhatte kan rawn tarlang ve leh dawn a ni.

Tunkar tir khan Porto centre back Chancel Mbemba chu a kum chungchangah buaina a nei thu report in a tarlang a. Portuguese outlet Corriero de manha in a tarlan dan chuan Mbemba hian a career ah a pianni leh thla (DOB) hrang pali a hmang niin an tarlang.

Defender Chancel Mbemba hian kum 27 a upa a nih thu a sawi a, mahse, a thian hnenah kum 1990 a piang a nih thu hrilh a ni. A kum tak tak chu kum 31 a tling tawh tihna nih chu.

Hei vang hian Porto pawhin tun season khelh zawh hian an chhuahtir duh dawn niin an sawi. Kum 2013 khan Newcastle United defender hlui hi a kum chungchangah investigate an lo nei tawh a ni.

Tun hi a vawikhatna chauh a ni lova. Kum chungchangah Brazil star Carlos Alberto leh India star Gourav Mukhi pawhin hetiang ang deuh chiah hian case an lo nei tawh a ni.

Gourav Mukhi hi Indian Super League goal khung thei naupang ber nihna a hauh hman a, kum 16 a upa a nihin goal a khung niin an sawi. Mahse, a kum tak tak an han chhui chiah mai chu, kum 28 laia upa alo ni reng tawh mai.

Brazilian star Alberto hi a hunlai kha chuan player tha tak pakhat a ni. Kum 2003 khan Brazil chu FIFA WORLD YOUTH CHAMPIONSHIP nomawi a chawi pui. Mahse, a kum chu kum 5 lai maiin a insawi naupang a ni.

A insawi naupan avangin kum khat chhung football khel thei lo tura hrem a ni.

Source SK

Related Posts

error: Content is protected !!