Manchester United left back Alex Telles chuan Saudi Pro League club Al Nassr a zawm dawn a, a transfer tihfel thuai a ni ang.
Transfer expert Fabrizio Romano tarlan danin Telles manah Man Utd chuan £4 million + add ons tlem an dawng dawn a, Brazilian defender hian a club tharah season khat chhungin £7 million + add ons tlem a hlawh bawk ang.
Kum 30 a upa hian season hmasa khan loan in Spanish club Sevilla a zawm a, Europa League a chawi. Quarter final a Sevilla in Man Utd an pettlâk tumin Telles hi a inlan ve nghe nghe anih kha.
2020 a £15.3 million a Porto atanga Manchester United zawmtu hian Saudi Pro League ah a teammate hlui Cristiano Ronaldo nen an kheldun leh thei dawn a, Al Nassr tan chuan Telles hi signing tha anih a beiseiawm.
Telles hian a ram Brazil tan vawi 12 a inlan tawh a, tuna a club Man Utd tan hian vawi 50 inlan tling tawh in goal khat a khung a, chu chu 2021-22 season Champions League ah 2-1 a Villareal an hneh tumin a ni.
Al Nassr hi Public Investment Fund in thla hmasaa an lei Saudi club pali zinga pakhat a ni a, club dang pathum te chu Al Ahl, Al Ittihad leh Al Hilal te anni. Public Investment Fund hnuaiah heng club te hian sum hman tur an ngah em em a, European star hrawl tak tak an chawlut zut zut anih hi.
Tun nipui bazarah Al Nassr hian an squad thawmtha turin Croatian international Marcelo Brozovic leh Lens captain hlui Seko Fofana te an lalut tawh a, player pahnihte manah hian Ronaldo khelhna club chuan €43 an inseng tawh.
Tunah Alex Telles an Al Nassr a zawm hnai a, Season tharah pawh Al Nassr hi Saudi Pro League a team tawhkhirh ber te zinga mi an nih leh ngei a rinawm. Season hmasa khan Ronaldo an a team hi title a chawipui lova, season tharah chuan chawipui ngei a tum tawh ang.