Alex Ferguson chhuah hnua player tha tak tak panga Man Utd hnawl tu te

Sir Alex Ferguson-an Manchester United manager hna a bansan hnua Manchester United hnawltu player tha tak tak panga te i lo en teh ang:

Erling Haaland – Norway striker Erling Haaland hian January 2020 khan Manchester United zawm theihna hun tha nei mahse German club Dortmund a zawm ta zawk. He tih hunlai a Man Utd manager Ole Gunnar Solskjaer chuan a rampuipa Haaland in Old Trafford a pan theih nan tan la viau mahse a hlawhtling lo.

N’Golo Kante – Mi tam tak midfielder duhrawn Kante chuan 2016 a Leicester City league champion a nih pui hnuin Stamford Bridge lam a pan anih kha. He tih hunlai a Man Utd enkawltu Jose Mourinho chuan Kante chu lakluh tumin tan la mahse a hlawhtling lo. ”Mourinho hnen atanga call ka dawng kha a ropui ka ti a, Man Utd zawm tura min lo sawmin club thil tum engkim min hrilh mahse keichuan khatih hunlai khan Leicester ah ka cham dawn nge Chelsea ka pan dawn tiin ka inngaituah mek, hun a kal zel a Chelsea zawm turin thutlukna ka siam ta a” tiin French international Kante an United sawmna a hnar thu a sawi.

Cese Fabregas – Arsenal chhuahsana Barcelona a zawm atanga season hnihna ah club chungah Cese Fabregas lungawi lovin chhuah hial a duh a, hemi tum hian Man Utd nena sawizawm an hlawh hle, mahse khatih hunlaia Man Utd manager David Moyes hnuaia khelh aiin season khat dang la cham leh a thlang. A tawp a tawp ah erawh Barcelona chhuahsan in Chelsea a zawm ta anih kha.

Sadio Mane – 2016 a Southampton atanga Liverpool zawmtu Senegalese international hian Man Utd atang pawhin sawmna a dawng. ”Man Utd in offer an lo siam hnu ni reilote ah Klopp an min rawn bia. Anih chuah Liverpool chu atan a club tha ber tur anih thu min hrilh. Keipawn Klopp chu ka ringtawk a, Liverpool zawm turin thu ka tifel ta ani” tiin Mane an United aia Reds a thlan thu a sawi.

Gareth Bale – 2013 a Spurs chhuahsan a tum khan Gareth Bale hian club tam tak atangin sawmna a dawng a chung zingah chuan Real Madrid leh Man Utd te pawh an tel. Man Utd offer chu Real Madrid lam offer ai mah in tha zawk mahse Bale an Spanish club a thlang zawk. Man Utd manager hlui David Moyes chuan Gareth Bale lakluh a tum thu sawichhuakin, ” Khami hunlai khan Gareth Bale chu Old Trafford a ka player lakluh hmasak ber ni turin theitawp ka chhuah a amaherawhchu Real Madrid pan turin thutlukna a lo siam fel tawh. world record fee in a zawm anih kha” tiin.

Related Posts

error: Content is protected !!