Alan Shearer’an tunlai player tha a tih ber a sawi

Alan Shearer chuan tunlai football khawvelah player tha a tih ber a sawi a, Lionel Messi leh Cristiano Ronaldo thlang lovin Liverpool Superstar Mohamed Salah chu ‘khawvelah a tha ber’ tiin a sawi.

Kan hriat angin Lionel Messi chuan thla hmasa khan Paris khawpuiah a vawisarihna atan Ballon d’Or a dawng a, Cristiano Ronaldo pawhin 5 a dawng ve bawk.

Cristiano Ronaldo leh Lionel Messi hi kum tamtak chhung chu khawvel footballer tha ber nihna an lo hauh tawh thin a. Mahse, season hmasa khan C Ronaldo chuan Juventus chu major trophy a chawipui lo, hei vang hian Ballon d’Or ah pawh a hniam deuh niin a lang.

Hetihlai hian Lionel Messi erawh Season liamtaah khan Barcelona tan a che tha ang reng. Hei mai bakah a ram Argentina chu a vawikhatna atan Copa America a chawi pui a nih kha. Ram tana nomawi a chawi vawikhatna hi khawvelin a lawmpui a, hei vang pawh hian Ballon d’Or a dawn theih phah a ni.

Premiere League goal khung tam ber record neitu Alan Shearer chuan Mohamed Salah chu Cristiano Ronaldo leh Lionel Messi aiin tunah hian a tha zawk niin a sawi. Khawvel league harsa berah leh team hmachhawn harsa berah pawh tha takin a che thei tiin a sawi.

“Mohamed Salah hi tunah hian khawvel player tha ber a ni. Goal khungtu tha ber leh player tha ber full stop. Khawvel league tha ber ah a che tha a, team hmachhawn harsa tak tak karah pawh a che tha hle. Kar tin mai leh kum tin maiin Salah hian magic a pholang ziah. Ballon d’Or award hnuhnung berah khan engtin nge pasarihna chauh kha a nih theih.” tiin Alan Shearer chuan Athletic a hrilh.

Source SK

Related Posts

error: Content is protected !!