Al Nassr in Inter Milan atanga Marcelo Brozovic an sign hnuin Croatian international lâkluh tum ve dang Barcelona an kâp zeuh.
Brozovic chu European star Saudi lama insuan hnuhnung ber niin Cristiano Ronaldo khelhna Al Nassr chuan kum 30 a upa hi season hmasa a UCL finalist Inter Milan atangin an sign a ni.
Brozovic hi Laliga champion Barcelona lam pawhin an lo ngaihven tawh a, an midfielder chhuak ta Sergio Busquets thlaktu tura lâkluh an rilrûk hman a ni. Amaherawhchu a player berin Camp Nou lam pan ai chuan Middle East lam pan a thlang zawk.
Al Nassr chuan Brozovic manah hian €18 million an insêng a, season thum chhung daih tur contract ziahpui in season khata Brozovic hlawh zat tur chu €35 million nia report a ni.
Al Nassr in Brozovic an sign hnuin hetiang hian social media lamah Brozovic lâkluh tum ve dang Barcelona an kâp zeuh ‘Tupawh in an duh a, ani erawh in keini chauh min duh thung’ tiin!
Brozovic hi Barca bakah Saudi club 4 nena sawizawm anni a, amah ber hian Cristiano Ronaldo khelhna Al Nassr a thlang a ni.