Kan hriat angin nimin lawkah Sergio Aguero chuan football chawlhsan tawh a tum dawn niin report hrang hrangin an tarlang, mahse, FC Barcelona manager Xavi Hernandez chuan Aguero a retire dawn tih chungchanah a tawng chhuak.
Spain chhunga reports hrang hrangin kartawp khan kum 33 a upa Sergio Aguero chuan press conference a koh anga lung lamah harsatna a neih vangin football a chawlhsan tur thu a puangzar dawn niin an tarlang.
Thla hmasa khan FC Barcelona leh Deportivo Alaves te chuan match khelin, first half-ah Aguero chuan a awm nat thu a hrilh hnuin an chhuah tir a, hospital pan pui nghal a ni.
Test hrang hrang a paltlang hnuah Aguero chu doctor ten thla 3 chhung teh meuh mai football chawlhsan rih turin an ti a, mahse, Spanish media te chuan football chawlhsan tak tak a tum tawh tiin an tarlang thung.
FC Barcelona boss Xavi Hernandez chuan Aguero’an football a chawlhsan dawn tih hi khawi atanga rawn chhuak nge tih a hriat chian loh thu a sawi.
“Eng thil mah ka hre lo, amah pawh ka bia a, football chawlhsan a tum tia thuthang leng vel hi a dik lo a ni.” tiin Xavi chuan reporters te a hrilh niin Goal in a tarlang.
“He information hi kan nei lo, khawi atanga rawn chhuak nge tih kan hre lo a ni.”
“Tunah chuan a harh fim tawh a, a that hunah rawn lut leh thuai turin ka hrilh. Hei hi chu medical issue a ni a, kan nghah rih chu a ngai dawn a ni.” tiin a sawi bawk.
Source SL