Adama Traore’an Barcelona lama a kir chhan a sawifiah

Kan hriat angin Adama Traore hi Tottenham Hotspur nena sawi zawm ni mahse, FC Barcelona lamah loan in a lut ta zawk a ni. Barcelona lama a luh chhan a sawifiah niin report in an tarlang.

Catalan club lam hian WOlverhamton Wanderers atang Adama Traore chu 2021/22 season chhung khel turin loan-a an lak luh thu an comfirm.

Tun season chhunga a chet that viau chuan season tharah an la lut nghal thei dawn a ni, Spanish club hian tun season chhung a hlawh erawh an pe ang.

Traore chuan Pep Guardiola hnuaia proffesional game hmasa ber a khelhna hmun Barca lama a kir leh chu a hlim thu a sawi.

“He ta ka rawn kir leh hi ka hlim tak zet. Heta ka awm pawh kha alo rei ta hle mai.” tiin Adama Traore chuan Barca TV a hrilh.

“Ka tan chuan hun special tak a ni, a chhan chu hetah hian kum tamtak ka lo khel ve tawh a, he khawpuiah hian ka seilian a, ka chhung leh ka fans te kianga ka seilenna hmun a ni.”

“Ka hlim tak zet a, hun speicial tak a ni. Pitch lamah pawh hlimna tamtak pek chhuah ka duh, hei zawng hi a ni mai.” tiin Traore chuan a sawi.

Source SL

Related Posts

error: Content is protected !!