Simon Kjaer’an Christian Eriksen nunna a chhan avangin AC Milan chuan an captain atan ruat an tum niin Daily Mail in an tarlang.
Kan hriat angin Euro 2020 Group match Denmark leh Finland khelhah khan Christian Eriksen chu cardiac arrest avangin a tlu a, hetah hian Simon Kjaer pawh a teammate puihin a pawimawh hle.
Kha tia Eriksen a tluk ruala pan hmasa bertu chu Kjaer hi a ni a, nikhawhrelo a Eriksen a awm lai, medical team lam an rawn thlen hma khan Kjaer hian CPR a pe a ni.
Hemi hnu rei vak lovah Simon Kjaer tho hian midang hmuh theih loh turin a teammate te chu hual vek turin a hrilh a, treatment a lak thlengin an hual a nih kha.
Denmark defender Simon Kjaer hi chawl mai lovin, Christian Eriksen nupui Sabrina Kvist lam panin a kal leh a, a hnem a ni.
Minute 13 lai mai CPR pek a nih hnuah, Inter Milan midfielder hi hospital lamah dinhmun tha takin a awm theih phah.
Kjaer’an Eriksen a puihna te hi social media lamah a lar chak hle a, leadership a neih that zia an sawi luai luai.
Tuna AC Milan captain nilai Alessio Romagnoli hi duh angin a start zing tawhlo hle a, tun summer transfer window-ah hian a chhuak thut thei. Vice captain Gianluigi Donnarumma pawh a contract neih lai a hman zawh hnuin PSG lam a pan dawn niin an tarlang.
Kjaer hi Milan player pawimawh tak a ni thei dawn niin a lang, fan tam zawk te chuan Euro atanga kir hunah captain armband hren tir an duh niin an sawi.
NHS cadiologist Dr Scott Murray’an Sportmail a hrilh dan chuan, Kjaer hian thil tih tur dik tak a ti a ni, Eriksen pawh a vannei tak zet, hetiang ang amah support tu tha a kianga an awm avangin tiin a hrilh.
Simon Kjaer hian faktu a ngah hle a, Denmark goalkeeper Kasper Schmeichel pawhin a thil tih a fak.
“Amah ang captain kan nei hi ka inchhuang hle.” tiin Kasper Schmeichel chuan Kjaer chungchang a sawi.
“A thil tih avang khan mak ka ti lem lo, a kianga hetiang thil awm a buaipui nghal thei hi a tha hle. Eriksen leh Kjaer hi Milan lamah hun an hmang dun nasa a, an hnaih hle.” tiin a sawi bawk.
Source Sportsmail