Bayern Munich manager thar Julian Nagelsmann chuan 2020 UEFA European Championship-a Italy tana che tha em em nena sawi an nih chungchangah a tawng chhuak.
Italy in Euro 2020 nomawi an chawi theihnaah Federico Chiesa hi player pawimawh tak pakhat a ni.
Premiere League club lian Liverpool chuan Chiesa hi an duh niin report in tarlang. Calciomercato tarlan dan chuan Liverpool emaw club dang pawh nise Chiesa an la duh dawn tak tak a nih chuan a tlem berah a man tur hi €90 million tal an pek a ngai dawn niin an tarlang.
Bundesliga club lian Bayern Munich pawh Juventus forward Chiesa la tur zingah an langsar viau mai a, mahse, kum 23 a upa Federico Chiesa man hi a to deuh niin a lang.
“A tha tak zet, mahse, a man a to deuh a ni.” tiin Bayern Munich boss thar Nagelsmann chuan Bild a hrilh.
“Top player a ni, ball khalah phei chuan duhthusamin a tha, hunrei tawh tak atang khan amah chu ka hre tawh a, player tha tak leh hmaih chi rual a ni lo, ball a thiam a, rang taka goal shoot a tum thin, a tha tak zet.” tiin a sawi bawk.
Season liamtaah khan Chiesa hian Juventus tan goals 15 a khung a, assist vawi 11 a nei tling. Euro 2020 ah pawh Italy tan goal 3 a khung bawk.
Source SL