Tun hnai lawk khan Spanish TV channel Antenna 3’s ‘El Hormiguero’ show pakhat chuan Barcelona defender Gerrard Pique chu show an neih pui a, Real Madrid lam atangin offer tha tak hmu ta la engtin nge i tih ang tiin zawhna an zawt.
Gerrard Pique chuan nuih letin Real Madrid tana khel turin eng thil mah a thleng lovang tiin a sawi.
“A rem thei thlawt lovang, thil engmah a awm thei lo, Real Marid tana khelh ai chuan thih ka thlang zawk ang.” tiin Gerrard Pique chuan a chhang.
Kan hriat angin Gerrard Pique hi tunah hian Barcelona team leader a ni mek a, Camp Nou-ah hian kum 13 chhung teh meuh mai hun a hmang tawh a ni. FC Barcelona a awm chhung hian (major) nomawi chawi tur awm zawng zawng deuh thaw a chawi kim tawh a, Pep Guardiola hnuaiah phei kha chuan an tha tak zet.
Pique hian FC Barcelona tan nomawi thahnem tak a chawi tawh a, La Liga nomawi 8, Copa del Rey nomawi 7 leh UEFA Champions League nomawi 3 a chawi tawh a ni. FC Barcelona lama hun a hman chhung hian a ram Spain tan pawh a che tha hle a, European Championship nomawi 2 leh FIFA World Cup nomawi a chawi pui bawk.
Kum 34 a upa Pique hian Catalan club hi a chhuang hle tih a hriat theih a, Real Madrid tana khelh ai thih a thlang zawk pawh hi a mak hranlo a ni. Football khawvelah FC Barcelona elpui ber annih vang pawh a ni mahna.
Source SL