Inbuatsaihna hun nei tam lo mahse a nau te’n 2-0 a Austria an hneh avangin France head coach Didier Deschamps a lawm em em a, a nau te a fak.

Paul Pogba, N’Golo Kante leh Hugo Lloris te chu hliam avanga inlan theilo langsar zual te anni a, tin nizan match khan hliam avangin Jules Kounde pawh minute 23 a lakchhuah a ni bawk.

France lam in player pawimawh inhliam kawl nual mahse nizan EUFA Nations League group match ah second half-a Kylian Mbappe leh Oliver Giroud te goal hmangin Austria lakah point thum an hlawhchhuak a, relegation zone atanga talchhuakin Austria aiin point 1 in an sang tawh. Nizan inkhela minute 65-na a goal khungtu Oliver Giroud chu France tana goal khung thei upa ber niin kum 35 leh ni 357 a upa a ni.

”Inbuatsaihna hun tam neilo mah ila player tin te’n theihtawp tak meuh an chhuah hlawm a, an khelhdanah ka lung a awi hle. Thil tha tam tak hmuh tur a awm. Kan hnehna chan hi a pawimawh em em a, goal khung theihna hun tha kan insiam mai bakah player lut ho ngai mang lo in game an thunun thei kha a tha hle bawk” tiin Deschamps an a nau te khelhdana a lawm thu a sawi.

Pogba, Kante leh Rabiot te chhawr tur an awm loh avangin Real Madrid rawlthar Aurelien Tchouhameni chuan nizan khan inkhel bul a tan a, rintlak anih zia a pholang bawk.

Related Posts

error: Content is protected !!