A nau te khelhdana lawm lo Tuchel

Champions League group stage hmasa ber ah Chelsea chuan Dinamo Zagreb an tlawh a, rinkai zawk Blues an tlawm. Mual neitu lam atangin M Orisic chuan minute 13 na ah goal a khung a, chu goal khat chu an venhim tluan thei tlat.

A nau te khelhdan ah Tuchel a lungni lo hle a, a player te chu chawlh (day off) pawh a pek loh tur thu a sawi. Dinamo Zagreb laka hnehna an chan loh avangin Group E ah table mawngphah an luah mek.

”Kan game khelhdan ka thlir khan kan chhanlet theih kha ka beisei lo hrim hrim. Kan game hnuhnung bera thil thleng khan phurna nasa zawk min pek ka ring a mahse a ni lo. West Ham lakah game harsa tak kan khel a, a tawp ah chuan kan duh ang chhanna kan hmu ngei mai, khatiang hun harsa ah chuan vannei deuh pawh a ngai thin reng a ni. Champions League pawimawh zia chu kan hre theuh, chuvangin training hun pawh tha takin kan hmang tlang. Player te an inring viau turah ka ngai a, mahse ka beisei anga thil a thleng lo khan min ti thinrim a ni” tiin Tuchel an a nau te khelhdan a a lawm loh thu a sawichhuak.

‘Dinamo Zagreb in hnehloh hnuah i nau te’n chawh an nei dawn em?’ tia reporter te zawhna Tuchel chuan chhang leh in,” Chawlh (day off) a awm lovang, chawlh nei turin engmah ruahmanna kan siam lo, tin tun ang dinhmun ah chawlh nei thei tur pawh kan nilo” a ti.

Chelsea hian tun nipui bazar khan player lakluh nan sum hmang tam viau mahse an duh leh beisei ang in erawh an la che tha mai thei lova, Premier League lamah pawh nise game 6 an khelh atangin point 10 chauh an la hlawhchhuak a, table ah 6-na dinhmun an luah mek.

error: Content is protected !!