Manchester City boss Pep Guardiola chuan Lionel Messi’an 2021 Ballon d’Or a dawn chungchangah a ngaih dan a sawi a. Paris Saint-Germain (PSG) superstar in Ballon d’Or a dawn hi a fair lo tiin in sawi thei lovang tiin a sawi.
Kan hriat angin nimin lawkah France Football chuan Lionel Messi chu 2021 Ballon d’Or winner atan a puang a. Argentina international Messi hian Bayern Munich hitman Robert Lewandowski leh Chelsea midfielder Jorginho te hnehin a vawisarihna atan Ballon d’Or hi a dawng leh a ni.
Tun tum Ballon d’Or ceremony zet zawng Lionel Messi fans te tan chuan lawmna a ni a, hetihlai hian France Football in Robert Lewandowski an hlan loh avanga lungawilo tak tak pawh an awm ve nuk bawk. Fans thahnem tak, pundits, journalists leh player hlui tamtak ten social media kal tlangin Ballon d’Or dawn phu an tih te an sawi nasa hle.
Lionel Messi leh Robert Lewandowski-ah hian tunge 2021 Ballon d’Or dawn phu zawk tih chungchangah inhnialna pawh a tam ang reng hle. Manchester City boss Pep Guardiola pawhin a ngaihdan a sawi chhuak. Kan hriat angin Pep Guardiola hian Lionel Messi leh Robert Lewandowski hi Barcelona leh Bayern Munich lamah alo enkawl ve ve tawh a ni.
Lionel Messi’an kumin Ballon d’Or a dawng hi tumahin a fair lo in ti thei lovang tiin Pep Guardiola chuan a sawi. Hmeichhe Ballon d’Or winner dawngtu Alexia Putellas leh Kopa Trophy winner Pedri te pawh a lawmpui.
“Enge tiin hemi chungchang hi min zawt suh u. Lionel Messi’an kumin Ballon d’Or a dawng leh hi a fair lo tiin tumahin kan sawi thei lovang. Show a nia, hei hi football ti hmuhnawm zual tu a ni. Alexia Putellas, Pedri leh Leo te an lawmpuiawm khawp mai.” tiin Pep Guardiola chuan press conference ah a sawi.
Source SL