A Champions League goal khung lawm avanga muttui tla Richarlison

Nilai zanlai ah Tottenham Hotspur chuan an Champions League group match hmasa ber an khel a, an tumpui Marseille chu 2-0 a hnehin he game a goal hnih lut hi Brazilian winger Richarlison khung a ni.

A Champions League game khelh hmasak bera goal 2 a khung avangin Richarlison a lawm em em a, a hun tawn tawh a ni ropui ber te zinga mi niin a ngai.

Ti hian Richarlison hi Champions League debut match a goal khung thei Brazilian player 39-na chiah a ni a, Champions League game hmasa bera goal khung thei ah ram dang zawng zawng aia tam chu Brazilian player te anni.

Kum 25 a upa hian Champions League a a goal hmasa ber a khung hnuin mipui lama awm a pa chu a va kuah a, lawm avangin a mittui a tla hial!

”Champions League hla ka hriat khan ka nui sak a, he inelna hi ka naupan tet atanga khelh ka lo tum tawh a ni. Inkhel muala awm a, Champions League hla ngaihthlak hnua inkhelh kha a dangdai hle. Ka thiante puihna avanga goal hnih ka khung hnu khan ka hlim em em a, ka hnuk a ulh hial! Ka thiante hian kawng engkimah min tanpui. Ka chhungkhat laina leh thiante a hmunah an awm ve bawk nen, kha ni kha ka tan chu ni ropui ber te zinga mi a ni” tiin £60 million a Spurs zawmtu Richarlison an Champions League match a goal khung vanga a lawm thu a sawi.

Tottenham Hotspur hi Group D ah Sporting, Marseille leh Eintracht Frankfurt te nen an awm ho va, table ah pahnihna an ni mek. An group awmna a nem tih theih a ni a, last 16 inhlangkai turin Spurs dinhmun a tha.

Related Posts

error: Content is protected !!