Jurgen Klopp chuan a nau te chu an game khelh leh tur atana rilru zawng zawng pe turin leh Pathianni a Liverpool an sawp chungchang chu an rilru ah awm tawh lo se a duh thu a sawi.
Reds hian an game hnuhnung berah an hmelma hlun Manchester United chu Anfield ah sisarih fai zetin an lo sawp a, mualpho takin Ten Hag leh a nau te’n stadium an chhuahsan.
Season kal mek a team form lem lo Reds hian hetiang tak maia team form ve tawk tak Manchester United an tukzal thei hi a mak angreng hle a, football khawvel dengchhuak hat khawpa game chhinchhiahtlak a ni awm e.
Liverpool boss Jurgen Klopp erawh in Man Utd laka an hnehna chanin pawimawhna a neih tawh loh thu leh an game leh tur atan chauha rilru pe turin a nau te a duh.
German manager chuan, “7-0 a ni a game danglam bik a ni. Tun atanga kum 10-15 vel ah lo kir in derby match ticket leiin team pahnihte inhmachhawn kan en ve ngei anga, ka kianga awm tu emaw chuan he hmunah ngei hian thil ropui kan thlentir tawh kha i la hria maw a ti ve ngei ang le. Amaherawchu tun dinhmunah erawh kha match a thil thleng tur zawng zawng chu a thleng fel tawh.”
”A pawimawh hle rualin vawiin ah erawh pawimawhna a nei tawh lem lo. Game tha tak a ni a, amaherawhchu hma lam kan pan zel a tul” a ti.
Klopp leh a nau te hian naktuk tlailam dar 6 ah Bournemouth an hmachhawn dawn a, Arsenal laka sihnih faia hmahruai thei Bournemouth chu Klopp-an an tawhkhirh zek in a ring.
”Kan tihtur ber chu Bournemouth ah kal in game kan khel dawn a, point 3 kan hmuh fel hma chu kan inpe lawk thei lo. Bournemouth khelhdan hi kan belchiang anih chuan game nuam tak kan beisei thiang lo. Arsenal laka an game kha in lo thlir ve anih chuan Arsenal lam in comeback tura thih tha meuh an chhuah kha in hria ang chu.”
”Champions League spot chang pha turin ka bei mek a, tun atanga karthum hnu vel ah kan dinhmun dik tak kan hre uar uar thei ang. Top 4 huanga season khar kan inbeisei a, tuna kan rilru zawng zawng pek na eraawh Bournmouth lamah a ni thung” tiin Klopp chuan a sawi bawk.