Liverpool in Manchester United an hneh hnu lawk khan Manchester a Trafford Centre-a Roberto Firmino shopping lai lak fuh a ni.
Kan hriat angin Jurgen Klopp leh a naute chuan Anfield-ah an mikhual Manchester United chu 7-0 lai maiin an hneh anih kha. Liverpool tan hian Cody Gakpo, Darwin Nunez leh Mohamed Salah ten goal an khung a, hun tawp dawn lamah Roberto Firmino pawh a rawn lut vein goal khat a rawn khung ve anih kha.
Brazilian Roberto Firmino leh a nupui Larissa Pereira chu an tumpui te tualah an shopping lai hmuh a ni. He shopping centre hi Old Trafford Stadium atangin miles 1 vel chauhva hla a ni nghe nghe.
Kum 31 a upa Roberto Firmino chuan tun summer transfer lo awm turah club a chhuahsan tur thu a sawi chhuak anih kha. Tun summer transfer lo awm turah hian a contract neih lai a zo ve dawn bawk a ni. Hetia an shopping lai vel hian fans thenkhat ten an selfie pui a, an hlim hlawm hle a ni.
