Kan hriat angin Lionel Messi chuan kar hmasa khan a collection-ah trophy pakhat a dah belh leh a, tun tumah hian 21st century a nomawi (trophy) chawi hnem zual top 10 te kan rawn tarlang ve leh dawn a ni. Portugal superstar Cristiano Ronaldo pawh a tel ve e.
Pathianni zing khan kum 34 a upa Lionel Messi chuan a ram Argentina tan senior trophy vawikhatna a chawi pui a, 2021 Copa America final ah Brazil chu 1-0 in an hneh a nih kha.
Transfermarkt in a tarlan dan chuan kum Leo Messi hian a career-ah trophy 38 lai a chawi tawh niin an tarlang, player dang pawh an tarlang a, trophy an chawi hnem hlawm khawp mai.
Anihna takah chuan Lionel Messi hian Argentina tan trophy vawi 3 a chawi tawh a, kum 2005 khan FIFA U20 World Cup nomawi a chawi a, hei mai bakah kum 2008 Olympic Games nomawi a chawi pui bawk. Barcelona tan vawiin ni thleng trophy 35 a chawi mek bawk.
FC Barcelona lama a teammate hlui Andres Iniesta aiin a nomawi a chawi tlem a, Inieste hian Japan lamah Vissel Kobe tan trophy pahnih a chawi belh. Hetihlai hian Ronaldo aiin Messi hian trophis 3 in a chawi hnem bawk. Cristiano Ronado hian trophies 35 a chawi.
Portugal thiampuipa C Ronaldo hian a career-ah a vawikhatna atan kum 2002 khan Sporting Lisbon chu nomawi a chawi pui. Juventua lamah a insawn hnuin Coppa Italia leh Serie A nomawi a chawi pui leh bawk.
Engpawhnise, a hnuiah hian 21st Century-a trophy chawi hnem zual player 10 te kan rawn tarlang ve leh e:
10. Zlatan Ibrahimovic – 32 titles
9. Arjen Robben – 32 titles
8. Sergio Busquets – 34 titles
7. Cristiano Ronaldo – 35 titles
6. Gerard Pique – 37 titles
5. Hossam Ashour – 37 titles
4. Maxwell – 37 titles
3. Lionel Messi – 38 titles
2. Andres Iniesta – 39 titles
1. Dani Alves – 42 trophies
Source SL