21st Century-a Player inhliam rei Top 5 te

Football hi khawvel sports hrang hrangah chuan physical contact tamna ber a ni a, football-a inhliam te hi a common hle. Footballers tamtak te chu hliam neih vangin hunrei tak an chawlh phah a. A chang chuan training anneihna hmunah te an inhliam a, thenkhat chu match pangai khelhah te, an inhliam dan hi hrang hrang a awm a ni.

Footballers thenkhatte chuan an career bikah vawi tam tak hliamin a ti buai a. Player thenkhatte erawh hliam nei khat tak te pawh an awm.

Engpawhnise, tun tumah hian 21st century-a hliam vanga chawl rei player 5 te kan rawn tarlang ve leh dawn a ni.

5 Thomas Vermaelen (Ni 1366)

Finland v Belgium - UEFA Euro 2020: Group B

Foremer Arsenal defender hlui Thomas Vermaelen hi J League lamah Vissel Kobe tan khel mekin, Spanish legend Andres Iniesta nen an khel tlang mek a ni. Kum 36 a upa Belgium international hian Arsenal lamah career duhawm tak a hmang a, kum 2009 leh 2014 thleng khan Arsenal tan khelin, match 150 lai maiah a inlan hman a ni.

Kum 2014 khan FC Barcelona lamah Vermaelen hi a insawn a, mahse, Season tawp berna ni ah chiah a game hmasa ber a khel thei chauh a ni. Ni 1366 chhung teh meuh mai hliamin a tih buai avangin football khel thei lovin hun a hmang. A career ah vawi 35 lai mai hliam a tawk.

4 Vincent Kompany (Ni 1419)

Manchester City v Watford - FA Cup Final

Vincent Kompany hi English Premiere League khel tawh centre back zinga tha ber pakhat anga sawi thin a ni. Kum 35 a upa hi tunah hian a naupan laia a club Belgium RSC Anderlecht manager angin a awm mek.

Kompany hian a professional career hi Anderlecht atang atan a, kum 2006 khan kum 20 a upa chauh niin Hamburg lamah a insawn leh. Season hmasa ber a khelhnaah hliamin a tih buai avangin German club tan hian game 6 chiah a start thei a ni. Kum 2015 khan Kompany chuan hliam nei lehin he a hliam avang hian hun rei tak a chawlh phah a ni.

Kompany hi Manchester City lamah a che tha hle a, Legend pakhat a ni. A career-ah hliamin vawi 31 zet a ti buai a, ni 1419 lai mai a chawlh phah.

3 Jack Wilshere (1470 days)

Arsenal v Chelsea - Premier League

Jack Wilshere pawh hi English midfielder tha ber pakhat anga sawi thin a ni. 2008-09 season khan kum 16 a upa chauh niin Arsenal tan Premiere League game hmasa ber a khel.

Tunah hian kum 30 a upa ni tawhin, a career ah hliam vawi 18 tawk tawhin, ni 1470 lai mai football khel thei lovin hun a hmang.

2 Arjen Robben (Ni 1507)

Bayern Muenchen v SC Freiburg - Bundesliga

Arjen Robben hi club leh ram tan a hlawhtling thawkhat viau. Kum 2021 khan kum 37 a upa niin football a chawlhsan. A hunlai kha chuan a khelhna apiangah hlawhtlinna a chang ti ila kan sawi sual awm love.

Real Madrid, Chelsea leh Bayern Munich lamah te khel kualin, FC Groningen player a nih hnuah football a chawlhsan a ni.

A career-ah hliamin vawi 58 lai tibuaiin, ni 1507 lai mai football a chawlhsan a ni.

1 Abou Diaby (Ni 1747)

Arsenal v Olympiakos - UEFA Champions League

Diaby hi footballer chhe zawk zawk a ni lova, mahse, a professional career-ah match 214 chiah a khel hman a ni, hliamin vawi 21 lai tawkin, ni 1747 lai mai a retire hmain football a chawlhsan a ni.

Source SL

Related Posts

error: Content is protected !!