Machester United hi khawvel club lian ber pakhat anni a, Premiere League club zinga hlawhtling ber pakhat anni bawk. Hun kal tawhah khan Manchester United hi team hlauhawm ber anni thin. Mahse, kum tlemte liamta atang khan duh angin an che tha tawh lo hle.
Engpawhnise, tun tumah hian 21st century-a Manchester United player goal khung hnem zual top 5 te kan rawn tarlang ve lawh dawn a ni.
5. Ryan Giggs – 89 goals in 586 games
Ryan Giggs hian a hun pumpui mai chu Manchester United tan a hmang a, Premiere League khel tawha player ropui ber pakhat a ni. United tan goal 168 lai khungin, goal 89 lai mai chu 21st Century a a khung te a ni.
4. Paul Scholes – 102 goals in 509 games
Football history-a midfielder thar ber pakhat anga sawi thin a ni, ani pawh hi Man Utd ah a hun pum a hmang, 21st century-ah match 509 a khelh atangin goal 102 lai a khung a ni.
Club tana a match khelh zawng zawng chu match 718 niin, goal 155 a khung a, trophies 25 lai a chawi pui a ni.
3. Cristiano Ronaldo – 118 goals in 292 games
Cristiano Ronaldo hi Manchester United icon a ni, an thiampuipa a ni tih chu hai rual a ni lova, tunah hian Old Trafford lamah kir lehin goal khung theihna hun ala ngah hle.
Manchester United atang khan world class player a rawn ni chhova, games 292 a khelh tawh atangin goal 118 lai a khung a ni.
2. Ruud van Nistelrooy – 150 goals in 219 games
Kum 2001 khan Ruud van Nistelrooy hi PSV atang Old Trafford-ah a lut a, England lama hun a hman chhung khan a aia goal khung thei kha chu awmlo tluk a ni, United tan game 219 a khelh atangin goal 150 lai mai a khung.
Dutchman hi Unted tan player pawimawh tak pakhat a ni a, 2002/03 khan Golden Boot a dawng.
1. Wayne Rooney – 253 goals in 559 games
Manchester United tana goal khung tam ber ani mek. Wayne Rooney hi England atanga strker tha ber pakhat a ni a, Premiere League history-ah pawh striker ropui ber pakhat a ni.
Kum 18 a upa a nih laiin Old Trafford lamah a lut a, kum 13 a liam leh meuh chuan United tan goal 253 lai mai a khung ting a ni.
Source SL