Europe Top 5 leagues Premiere League, La Liga, Serie A, Ligue 1 leh Bundesliga te hi khawvel league tha ber te anni. Tun tumah hian 21st Century-a Europe top 5 league atang goal hnem zual player 5 te kan rawn tarlang ve leh dawn a ni.
5 Edinson Cavani – 261 goals
Edinson Cavani hi tunlai game-ah pawh a finishing tha tak mai ala ni a. Kum 34 a upa ni tawh mahse, Uruguayan international hian pitch chhungah a theihna ala pholang thei rih a ni.
Kum 2007 khan European club Palermo ah lutin, season 3 chhung hun a hman hnuin Napoli lamah loan in a kal leh a ni. Napoli lama hun a hman hnu hian an player ropui ber pakhatah a inchhuah a ni.
Serie A lamah hian Palermi leh Napoli tan a khel a, Serie A lama hun a hman chhungin goal 112 lai a khung a ni. Serie A lamah hunrei tak a awm hnuin Ligue 1 club lian Paris Saint-Germain lamah a insawn a, PSG tan Ligue 1 match 200 a khelh atang goal 138 lai a khung a ni.
Kum 34 a upa Edinson Cavani hi kum 2020 summer transfer lai khan free transfer in Manchester United a zawm a, Premiere League lama hun a hman tawhnaah goal 11 a khung mek. Europe Top 5 League atanga goal a khung zawng zawng belhkhawm chu goal 261 a ni.
4 Robert Lewandowski – 293 goals
Tunlai striker tha ber sawi dawn ta ila Robert Lewandowski hi hmaih chi rual a nilo. Mi tamtakin 2021 Ballon d’Or pawh kha dawn a phu ber niin an ngai. Season liamta atang khan goal khung lamah a bon hle.
Robert Lewandowski hian Gerd Muller chu Bundesliga season khata goal khung tam lamah a khum, Gerd Muller hian goal 40 khungin, Lewandowski’an goal 41 a khung a ni. Kum 2010 leh 2014 inkar khan Borussia Dortmund lamah hun alo hmang tawh a, Dortmund lama hun a hman chhungin goal 74 a khung tling.
Bundesliga lamah insawnin Baravarians tan League match 234 a khelh atang, goal 219 lai a khung tawh. Europe top 5 league atanga a goal khung zawng zawng belhkhawm chu goal 293 a tling.
3 Zlatan Ibrahimovic – 300 goals
Zlatan Ibrahimovic hi football history-ah player ropui ber pakhat a ni. Kum 40 tling tawh mahse, striker tha ber pakhat ala ni. Tunah hian AC Milan first choice striker a ni mek. AC Milan hi Europe club zinga history nei tha tak pakhat anni.
Europe club hrang hrangah te khel kual tawhin, Manchester United, Paris Saint-Germain, FC Barcelona, Juventus, AC Milan, Inter Milan leh Juventus ah te alo khel kual tawh a ni.
FC Barcelona lama hun a hman chhung khan La Liga goal 16 a khung a, Juventus, AC Milan leh Inter Milan tan Serie A match 266 a inlan atang goal 154 a khung a. Paris Saint-Germain ah kum 4 hun a hman chhungin Ligue 1 goal 113 a khung mai bakah Manchester United lama hun a hman chhung khan goal 17 a khung bawk. Europe league goal a khung belh khawm zawng zawng chu goal 300 a tling.
2 Lionel Messi – 475 goals
FC Barcelona ah kum 17 chhung hun a hman hnuah summer transfer khan Paris Saint-Germain a zawm. FC Barcelona tan La Liga goal 474 lai a khung a ni., PSG lamah beisei ang leh duh angin hun a hmang tha lova, League match 9 a khelh tawh atang goal 1 chiah ala khung thei.
1 Cristiano Ronaldo – 483 goals
International men’s football a goal khung tam ber a ni mek. Tunah hian a ram Portugal tan goal 115 lai a khung tawh. Europe Top 5 League atanga goal khung tam ber a ni bawk. Ronaldo hi Premiere League, La Liga leh Serie A lama te alo khel kual tawh.
Real Madrid lama hun a hman chhung khan La Liga match 292 a inlan atang goal 311 lai a khung a, Juventus tan Serie A match 98 a khelh atang goal 81 a khung.
Manchester United lama hun a hmasak zawk a league goal a khung leh a kir leh hnua league goal a khung belhkhawm chu goal 91 a ni mek.
Source SL