21st Century-a club tan direct free kick pet goal tam player 5 te

Tun tumah hian 21st Century-a direct free kick pet goal hnem zual player panga te kan rawn tarlang dawn a, heng an free kick pet hi club tana an pet te a ni e.

5 Cristiano Ronaldo – 48 direct free-kick goals

Manchester United v Norwich City - Premier League

Cristiano Ronaldo’an free kick a pet thiamna te pawh a ral tial tial a, mahse, a career bul lamah chuan free kick pet thiam tak pakhat a ni.

Cristiano Ronaldo hian a zawnin season thum (2007-08, 2008-09 leh 2009-10) season-ah direct free kick vawi 5 lai mai alo pet goal tawh a. 2013-14 season khan Real Madrid tan direct free kick vawikhat alo pet goal bawk.

2021-22 season khelh zawh takah khan Manchester United tan Ronaldo hian direct free kick vawikhat a pet goal bawk, hei hi April ni 6-a Norwich an hmachhawn tum khan a ni.

4 Lionel Messi – 50 direct free-kick goals

Real Madrid v Paris Saint-Germain: Round Of Sixteen Leg Two - UEFA Champions League

Lionel Messi pawh hi direct free kick pet thiam tak pakhat a ni a, club career-ah free kick vawi 50 lai a pet goal tawh.

2017-18 leh 2018-19 season inkar khan direct free kick vawi 7 lai a thun a ni. 2008-09 season khan a vawikhatna atan direct free kick a pet goal a ni. 2021-22 season-ah direct free kick vawikhat petin a pet goal lo.

3 Ronaldinho – 55 direct free-kick goals

Portsmouth v AC Milan - UEFA Cup

Ronaldinho hi khawvel footballer-a ball thiam tak pakhat a ni. Football a khelh lai en hi a nuam hle a, englai pawhin a nui reng thei a ni.

Player zaidam tak anihna ringawt avang pawh hian a lar phah hle a, Ronaldinho hi free kick pet thiam tak a ni.

Club career-ah free kicks vawi 55 lai a khung tawh a, 2006-07 season khan Ronaldinho hian direct free kick vawi 7 lai a ti goal nghe nghe.

2 Rogerio Ceni – 59 direct free-kick goals

Flamengo v Sao Paulo - Brasileirao Series A 2014

Rogeio Ceni hi kan hre lar vaklo maithei, a chhan chu goalkeeper ani tlat mai, goalkeeper ni chungin goal khung lam erawh ati thei phian mai. Football history-a goalkeeper goal khung thei tak pakhat a ni.

A career-ah club pahnih Sinop leh Sao Paulo tan chauh a khel a, free kick erawh a pet goal tam ang reng hle. A career-ah goalkeeper ni chungin free kick vawi 59 lai a pet goal.

1 Juninho Pernambucano – 74 direct free-kick goals

UEFA Champions League - Real Madrid v Lyon

Juninho Pernambucano hi football history-a freekick pettu ropui ber pakhat a ni.

Olympique Lyon tan ringawt direct free kick vawi 44 lai a khung tling a, a career-a direct free kick a khung zawng zawng chu vawi 74 lai a tling.

Source SK

Related Posts

error: Content is protected !!