Kan hriat angin FIFA World Cup hi football tournament-ah chuan ropui ber pakhat a ni a, kum 4 dana khelh thin a ni. Player zawng zawng ten World Cup nomawi chawi chu an duhthusam a ni.
FIFA World Cup-ah hian top player tamtak an lo khel fo thin tawh a, mahse, englai pawhin World Cup khel ve mang lo player tha te an awm nual bawk. Tun tumah 2022 FIFA World Cup, Qatar-a khel lo tur player 5 te kan rawn tarlang ve leh dawn a ni.
5. Martin Odegaard (Norway)
Rawlthar player tha tha Norway international Martin Odegaard hi 2022 FIFA World Cup khelh turah kan hmu dawn lo. Midfielder hian a ram Norway chu FIFA World Cup khel hnehna a chan pui thei lo.
Kum 22 a upa Odegaard hi tun season khelh mekah Arsenal tan a che tha hle, engtikniah emaw World Cup a khelh ngei a beiseiawm.
4. Franck Kessie (Ivory Coast)
Franck Kessie hi AC Milan tan a che tha ang reng hle a, hei vang hian club tha tamtakin amah hi an duh a ni. Summer transfer lo awm turah khi chuan club sang zawk a zawm ngei a rinawm.
Kum 24 a upa hi Ivory Coast tan regular takin a inlan a, mahse, 2022 FIFA WOrld Cup-ah erawh an khel thei dawn lo a ni.
3. Wilfried Zaha (Ivory Coast)
Wilfried Zaha hian Ivory Coast in World Cup qualifiers match an khelhah a zawm nghal lova, international future chungchang a ngaihtuah hle a ngai dawn, January thla khan Africa Cup of Nations-ah a ram tan a khel ve a ni.
Kum 29 a upa Zaha hi Crystal Palace tan player pawimawh tak a ni mek.
2. Jan Oblak (Slovenia)
Kum 3 liam ta vel atang khan Jan Oblak hi khawvel goalkeeper tha ber pakhatah a inchhuah a, a ram Slovenia tan erawh World Cup ah a hmel kan hmu thei dawn lo.
Kum 28 a upa hi goalkeeper tha tak a ni a, Atletico Madrid in trophy an chawina kawngah a pawimawh hle.
1. Erling Haaland (Norway)
Khawvel striker rawlthar tha ber anga sawi thin a ni, 2022 FIFA World Cup khel tura Norway an qualify lo hnuah in lam atangin World Cup alo thlir ve dawn a ni.
Hliam a neih avangin tun hnai World Cup Qualifiers matchah a inlan thei lova, an game hnuhnung berah Netherlands hmachhawnin 2-0 in an tlawm a ni.
Halaand hi ala naupang a, hmalam hun eng tak a nei mek.
Source SL