2022 FIFA World Cup: Antonio Rudiger’an Germany aia tha team pahnih a sawi

Real Madrid star Antonio Rudiger chuan 2022 FIFA World Cup khelh turah Germany aia tha team pahnih an awm thu a sawi chhuak.

German outlet Sport1 in interview anneih puihnaah Rudiger chuan Brazil leh France chu team tha tak annih thu a sawi a, Germany tum ber chua World Cup-a hnehna chan anih thu a sawi.

“Kan tum ber chu World Cup nomawi chawi hi a ni. Mahse, tun dinhmunah rih chuan team dang tha tak tak an la awm. Hei hi kan zep tur a ni lo. Mahse, hetah hian ka thu a, ti hian ka sawi: World Cup hnehna chang tura rinkai ber kanni tih hi a ni.” tiin Rudiger chuan a sawi.

Rudiger hnenah Die Mannschaft aia tha an awm leh awm loh an zawt a, “France leh Brazil hian player mal tha tak tak an kawl fur mai, hetiang te anih avang hian kan aiin an chungnung zawk rih maithei. Englai pawhin Germany sawifiahna chu hlawmkhat ropui tak a ni zel. Eng ang pawhin harsa mahse, kan thawkho zel anga, mi dang aiin kan duhna hi a let khat zelin a tam ang.” tiin a sawi bawk.

Summer transfer lai khan Rudiger chuan Chelsea chhuahsanin Los Blancos a zawm a. Manager Carlo Ancelotti hnuaiah regular takin khelhna a chang a, Germany tan pawh player pawimawh tak pakhat a ni mek.

Tun season khelh mekah Real Madrid tan match 9 ah a inlan tling tawh a, goal 1 a khung ve bawk. Germany tan match 53 lai mai inlan tawhin, goal 2  khung tawh a ni.

Source SL

Related Posts

error: Content is protected !!