2022 Ballon d’Or-ah Karim Benzema hneh theitu tura rinkai player 5 te

Tunlaia che tha tak Karim Benzema chu football fans tamtakin 2022 Ballon d’Or a dawn ngei an ring a. Karim Benzema hi awm lo ta se, Carlo Ancelotti enkawl Real Madrid hian season harsa tak an hmang ngei ang.

Karim Benzema’an Ballon d’Or ala dawng ve ngai lo

2021 Ballon d’Or race ah khan Karim Benzema hian palina dinhmun a hauh a. A career-ah footballer chawimawina sang ber anga an sawi thin Ballon d’Or award hi ala dawng ve ngailo a ni. Mahse, kumin Ballon d’Or erawh a dawng thut thei. Tun season khelh mekah a che tha tak zet a, a chet dan avangin mi tamtak a barakhaih hle.

Tun season khelh mekah Real Madrid a chhanchhuak nasa hle a, a career-a a chet that ber tum a ni hial maithei.

Amaherawhchu, Benzema hian Ballon d’Or phu viauin lang mahse, player dang phu ve tak tak an awm nuk mai le. Tun tumah hian 2022 Ballon d’Or dawn phu tak tak player 5 te kan rawn tarlang ve leh dawn a ni.

5 Sadio Mane (Senegal/Liverpool)

Liverpool v Manchester United - Premier League

Liverpool star Sadio Mane pawh hian season duhawm tak a hmang mek. Kumin kumtir lam khan a ram Senegal chu AFCON nomawi a chawi pui a, Liverpool chu League Cup nomawi a chawi pui bawk. Tunah hian FA Cup final leh UEFA Champions League semi final an lut ve ve tawh a ni.

Tun season khelh mekah Liverpool chu nomawi chawi thei tur zingah an la tel a, Mane pawhin all competion ah Liverpool tan match 43 a khelh tawh atang goal 19 a khung mai bakah assist vawi 3 a nei tling bawk a ni.

Trophies chawi theih tur zawng zawng an chawi thei vek a nih chuan Ballon d’Or dawn phu tak pakhat a ni ngei ang.

4 Kevin De Bruyne (Belgium/Manchester City)

Manchester City v Real Madrid Semi Final Leg One - UEFA Champions League

Kevin De Bruyne hi tun season khelh mekah Manchester City player che tha ber ang sawi a ni. Creative midfielders a nih mai piah lamah goal khung lam pawh a ti thei phian mai.

Tunah hian Manchester City chu Premiere League table-ah pakhatna dinhmun a hauh pui a, game 5 khelh tur ala awm mek. Nizana Real madrid an hneh tum pawh khan goal leh assist a nei a ni.

Manchester City in Premiere League nomawi leh Champions League nomawi an chawi kawp thei a nih chuan De Bruyne hi Ballon d’Or contender pakhat a ni ngei ang. Tun season khelh mekah Manchester City tan match 40 inlan tawhin goal 15 a khung mai bakah assist vawi 12 a nei tling mek.

3 Robert Lewandowski (Poland/Bayern Munich)

FC Bayern München v Borussia Dortmund - Bundesliga

2020 Ballon d’Or khan Robert Lewandowski’an dawn a phu hle, mahse vanduaithlak takin Covid avangin a dawng theilo hlauh. Nikum lamah pawh khan dawn phu ber pakhat leh a dawn ringtu an thahnem hle, mahse, Lionel Messi’an a dawng ta si.

UEFA Champions League quarter finals ah Villarreal lamin an pet tla a, hei vang hian a chance a chhe deuh maithei. Tun season khelh mekah match 43 a khelh atang goal 48 lai mai a khung a ni.

2 Kylian Mbappe (France/Paris Saint-Germain)

Real Madrid v Paris Saint-Germain: Round Of Sixteen Leg Two - UEFA Champions League

Kylian Mbappe pawh hi tun season khelh mekah a mimal takin a che tha hle. Mahse, tun season khelh mekah Ligue 1 nomawi chauh an chawi theih a rinawm.

Tun season khelh mekah match 42 inlan tawhin goal 33 a khung mai bakah assist vawi 22 a nei tling.

1 Mohamed Salah (Egypt/Liverpool)

Liverpool v Chelsea - Premier League

Karim Benzema tih lovah chuan Mohamed Salah hi 2022 Ballon d’Or dawn phu ber pakhat a ni. Kan hriat angin Liverpool UEFA Champions League leh Premiere League nomawi an chawi kawp theih chuan a dawng lovang tih a sawi theih loh.

Tun season khelh mekah Liverpool tan all competion match 43 a inlan tawh atang goal 30 a khung a, assist vawi 13 a nei tling bawk.

Heng a chunga kan rawn tarlan tak te hi Karim Benzema khum thei tura rinkai te anni a, mahse, 2022 FIFA World Cup hian Ballon d’Or dawngtu tur a hril chiang viau dawn niin a lang.

Source SK

Related Posts

error: Content is protected !!