Summer transfer window chu an la hawng mek zel a, club tamtak ten player an la lut nual tawh a, club thenkhatte chuan player thar lak luhna atan sum an thehchhuak tam hle.
Tun tumah hian tun summer transfer window-a player lak luhna atana sum hmang hnem zual te kan rawn tarlang ve leh dawn a ni.
5. Aston Villa – €105.6 million- 5 Signings
Mak deuh maiin tun summer transfer-a sum hmang hnem zualah Aston Villa an lang ve tlat mai, tunah hian Euro maktaduai 118 ( €118 million) lai mai an hmang tawh a ni, mahse, an star player Jack Grealish atangin sum tamtak an hmuh belh a, players 5 an la lut ve bawk.
Dean Smith enkawl Aston Villa hian tun summer-ah hian player 5 an la lut a, chungte chu Emiliano Buendia (€38.4), Danny Ings (€35.2) leh Leon Bailey (€32) te hi an la lut fel tawh a, hetihlai hian Ashley Young leh Axel Tuanzebe pawh lut tura tih fel tawh anni.
4. Chelsea – €115m – 2 Signings
Chelsea chuan tun summer transfer-ah hian player pahnih an la lut a, Inter Milan atang Romelu Lukaku an la lut a, aman atan Euro Maktaduai 114 (€115 million) lai an pe a ni.
Chelsea hian an goalkeeper back up turin Fullham atang Marcus Bettinelli an la lut bawk.
3. Manchester United – €125 million – 3 Signings
Manchester United chuan kum tamtak an buaipui tawh Jadon Sancho chu tun summer transfer-ah hian an la lut a, aman tan Red Devils lamin Borussia Dortmund chu €85million lai mai an pe a ni.
Red Devils hian top player Raphael Varane an la lut bawk a, aman atan hian €40 million pein, Aston Villa atang free agent in Tom Heaton an la lut a ni.
2. Manchester City – €128 million – 3 Signings
Tun summer transfer window-ah hian Manchester City chuan player lak luh nan Euro maktaduai 118 million lai an hmang ral a ni. An lak luh man to ber chu Jack Grealish a ni.
Cityzens hian Fluminense atang Brazilian teenager Kayky an la lut a, a man hi €10 million a ni, Scott Carson pawh free agent in an la lut.
1. Arsenal – €147 milion – 5 Signings
Arsenal chuan Brighton defender Ben White chu €58.5 million lai maiin an la lut a, mi tamtakin mak an ti hial. Premiere League match pawh duh angin a khel tam vak dawn lo nia sawi mek a ni.
Hei mai bak Marting Odegaard, Aaron Ramsdale, Albert Sambi Lokonga leh Nuno Tavares an la lut bawk. An player lak luhn atana sum hman zawng zawng chu Euro maktaduai 147 lai a tling tihna a nih chu. Tun summer transfer a sum hmang hnem ber club an la ni mek.
Source SL