England internationals Mason Greenwood, Bukayo Saka leh Jude Bellingham te chu 2021 Kopa Trophy nominees 10 zingah an tel a ni. Kopa Trophy hi khawvel hmun hrang hrang atanga kum 21 hnuai lam player che tha hnenah hlan thin a ni.
Bukayo Saka hi Arsenal tan kum tha tak a hmang a, Arsenal player pawimawh ber pakhat anga sawi a ni nghe nhge, hei mai bakah England in Euro 2020 final an luh theihnaah pawh player che tha tak pakhat a ni bawk.
Bukayo Saka ang tho hian, Jude Bellingham pawh England in hlawhtlinna an chanah player pawimawh tak a ni a, thla 12 liamta chhung khan Borussia Dortmund tan player tangkai tak a ni ve bawk.
Hetihlai hian Mason Greenwood erawh July thlaa final an khelhah khan Three Lions squad-ah a tel ve lova. Tun season khelh mekah Man Utd tan bul a tan tha hle. Kum 20 a upa chauh la ni mahse, tun season khelh mekah Premiere league match 7 a inlan tawh atangin goal 3 a khung tling der tawh a ni.
Kopa Trophy nominees-ah hian Premiere League player thenkhatte pawh an lang ve a, Bundesliga atang player talent nei tha an tel hnem ber a, nominees zingah hian 40% lai mai chu Bundesliga player an tel a ni, Jude Bellingham, Jamal Musiala, Florian Wirtz leh Giovanni Reyna te hi Bundesliga player atanga lang te anni.
La Liga atang Barcelona rawlthar Pedri a lang ve bawk a, 2021 a player rawlthar che tha tak pakhat a ni. Euro 2020 khan Young Player of the Tournament atan thlan tlin a ni.
A hnuaiah hian Kopa Trophy Nominees Top 10 te kan tarlang ve leh e.
Mason Greenwood (Manchester United/England)
Bukayo Saka (Arsenal/England)
Pedri (Barcelona/Spain)
Jeremy Doku (Rennes/Belgium)
Ryan Gravenberch (Ajax/Netherlands)
Jamal Musiala (Bayern Munich/Germany)
Florian Wirtz (Bayer Leverkusen/Germany)
Jude Bellingham (Borussia Dortmund/England)
Giovanni Reyna (Borussia Dortmund/USA)
Nuno Mendes (Paris Saint-Germain/Portuga
Source SL