Kan hriat angin 2020-21 season football chu khelh zawh vek tawh a ni a, tunhnaiah Player leh manager chungchang sawi a tam hle.
Pep Guardiola hi khawvel manager tha ber anga sawi ani thin a, mahse, ani hian Manchester City-ah player thar lak luh nan sum a hmang hnem hle. A hlawhtlinna hi sum vang pawh a tih theih maithei.
David Moyes pawh hi Premiere League manager tha ber anga sawi theih ani maithei. 2020/21 season khelh zawh takah khan West Ham chu League table-ah 6 na dinhmun a hauh pui vah.
Engpawhnise, tun tumah hian 2021 a khawvel manager tha 6 te kan rawn tarlang ve leh dawn a ni.
6 Lionel Scaloni (Argentina)
Argentina manager lo ni tawh thenkhatten a an tih theih loh pakhat chu Argentina tana international trophy chawi hi a ni. Mahse, Lionel Scaloni chuan Argentina tan international trophy a chawi pui thei a nih kha.
Argentina chuan Copa America 2021 an chawi, final ah Brazil an hneh. Kum 43 a upa Lionel Scaloni hi kum 2018 khan Argentina head coach atan ruat a ni, Jorge Sampaoli an ban hnu rei vak lohah an ruat.
Gritemos fuerte y unidos…
— Selección Argentina 🇦🇷 (@Argentina) July 11, 2021
🏆 🇦🇷 🔥 ¡¡¡SOMOS CAMPEONES!!! 🔥 🇦🇷 🏆 pic.twitter.com/i8aiWz8slt
Football management lamah a vawikhat experience na a ni a, manager anga Argentina a enkawl vawikhatna a ni. West Ham United wing back hlui Scaloni hi Sevilla leh Argentina national team-ah assistant coach angin alo awm thin tawh bawk. Scaloni hnuaiah Argentina chuan unbeaten run games 20 lai annei mek.
5 Antonio Conte (unemployed)
Antonio Conte hi thawhpui harsa tak pakhat a ni, mahse, a result erawh a tha thei hle. A that zia tihlan nan Conte chuan Inter Milan chu season khelh zawh takah khan Serie A nomawi a chawi pui nalh mai.
Antonio Conte hian a managerial career-ah sulhnu a nei tha ang reng a, Juventus chu a zawnin Serie A nomawi a chawi pui tawh. Kum 2016 Euro-ah pawh khan Italy chu quarter finals a thlen pui a ni. Premiere League lamah pawh Chelsea chu defender pathum hmangin nomawi a chawi pui bawk.
Inter Milan tan Serie A nomawi a chawi pui thei hi, a career-ah ropui ber lai a ni ngei ang. Inter Milan chu kum 11 hnuah Serie A nomawi a chawi pui thei a ni.
4 Thomas Tuchel (Chelsea)
2020/21 season laihawl velah khan Chelsea chuan an manager ni lai Frank Lampard chu an ban nawlh mai, an manager thar atan Thomas Tuchel an la lut a, UEFA Champions League nomawi a chawi pui nghal.
Chelsea in an manager atana an lak luh hma khan Paris Saint-Germain chu UEFA Champions Legue final a luh pui a, mahse, hnehna erawh a chang theilo. Chelsea-ah rawn lut lehin final a luh puia, nomawi a chawi pui nghe nghe.
3 Jurgen Klopp (Liverpool)
2020/21 season-ah khan Liverpool hi che tha vak lo mahse, Jurgen Klopp chuan Premiere League table-ah 3 na a hauh pui thei hram.
Liverpool defender rinrawl ber pathum Virgl van Dijk, Joe Gomez leh Joel Matip ten hliam an neih avangin Liverpool hi an che chhia niin a lang. Anni mai bakah player tha dang te pawhin hliam an neih zeuh zeuh a, hei vang hian beisei an pha thei lo.
Jurgen Klopp hian Liverpool tan hlawhtlinna a chan pui nual a, kum 30 hnuaha a vawikhatna atan Premiere League nomawi an chawi mai bakah UEFA Champions League nomawi a chawi pui bawk.
2 Roberto Mancini (Italy)
1 Pep Guardiola (Manchester City)
Source Sportskeeda