Tun season zet zawng FC Barcelona lam an che tha hlei theilo, League lamah pawhnise, an che chhe hle a, UEFA Champions League ah pawh an che chhe hle. Group stage game hnuhnung berah Bayern Munich lakah 3-0 lai maiin an tlawm bawk.
Hetia Bayern Munich lakah an tlawm lai hian Benfica lam chuan an tumpui Kyiv chu 2-0 in an lo hneh ve bawk nen, last 16 lut pha lovin an tla ta a ni.
Kan hriat angin Xavi Hernandez chuan Ronald Koeman a thlak a, mahse, a beisei ang leh duh angin FC Barcelona an che tha lem lo. Tun dinhmunah hian FC Barcelona hi nakum Champions League khel thei tur zingah an la lang lova, khelh pawh an khel lovang tih a sawi theih loh.
Tun tumah hian 2021-22 UEFA Champions League a FC Barcelona record duhawmlo pasarih te kan rawn tarlang ve leh dawn a ni.
7 FC Barcelona history-ah Champions League group stage-a hnehna an chan tlem ber tum
Barcelona hi Champions League group stage-ah vawi 3 ai tlem lo hnehna an chang ziah. Mahse, tun season ah erawh vawi 6 an khelh atangin vawi 2 chiah hnehna an chang a ni. Hnehna an chan pawh Dynamo Kyiv laka an chan ve ve a ni.
6 FC Barcelona hi a vawikhatna atan group match vawi 3 ah an tlawm
5 Champions League group games an khelh hmasak 2 ah a vawikhatna atan an tlawm .
4. Champions League history-ah point an hlawhchhuah tlem ber tum (point 7)
3 Goal an chhuah tam ber tum (Goal 9)
2 Group stage game-a Barcelona goal thun tlem ber tum (Goal 2)
1 Kum 2000 hnuah Barcelona in Knock Out stage an luh lohna hmasa ber
Source SL