Huapzau chuan kan hma lawka 2020 Euro lo awm tur atan predictions a buatsaih leh dawn a, Predict turah hian Champions tur, Goal khung hnem ber team, Goal chhuah tam ber team, Best Player, Assist nei tam te rinlawk tur a ni.
Huapzau Predition i predict dawn chuan Facebook profile hming hman tur a ni dawn a, chuan Mobile number dah bawk tur a ni ang. Mi pakhat tan vawi khat bak predict phal a ni lova, ring dik tam berin lawmman a dawng dawn a ni. Ring dik inang an awm a nih chuan thumvawr a ni ang. I summit tawh chuan i chhan dan record fel fai taka dah that a ni ang.
Predict tura players hming kan dah zingah i player thlan tur a tello a nih chuan, ‘other’ ah hian i player duh hming i ziak mai dawn nia.
Last date atan Ni June ni 10 a ni anga, result hi Euro 2020 khelh zawh atanga ni 3 naah puan a ni ang. Predict tur 9 a awm e.
A hnuaia thu kan post hi, thai thla char char la, Predict na tur link alo awm ang (All the best).
Sergio Ramos tello in Real Madrid ka suangtuah ngam lo – Ancelotti
Real Madrid coach thar Carlo Ancelotti chuan kum 35 a upa Sergio Ramos hmalam hun tur chungchang a sawi a, Eden Hazard, Gareth Bale leh Cristiano Ronaldo te chungchang pawh press conference-ah a sawi tel bawk.
Real Madrid lama kir leh Carlo Ancelotti chuan Sergio Ramos telloin Real Madrid a suangtuah ngam loh thu a sawi. Mahse, defender Ramos hmalam hun erawh la rel fel loh a nih thu a sawi.
Thawhlehni khan Ancelotti chuan Everton chhuahsanin Real Madrid lamah a kir leh a, Ancelotti hian kum 2013 atanga 2015 thleng khan Real Madrid hi alo enkawl ve tawh a ni.
Sergio Ramos’an Madrid lama contract a neih hi June ni 30 khian a zo ve dawn a ni. Hei hi Italian coach chuan a chinfel hmasak ber tur pakhat niin report in an tarlang.
Introductory press conference-ah Ramos chungchang zawh a ni a, Ancelotti chuan, ‘Sergio Ramos tello in Real Madrid hi ka suangtuah ngam lo.’ tiin a sawi.
Ancelotti hian kum 35 a upa, kum 2005 atanga Real Madrid a awm tawh Ramos chungchang sawi belhin, ‘Sergio Ramos hi player pawimawh tak a ni tih chu a chiang sa a, he club in hlawhtlinna tamtak alo hmuh tawhah khan Ramos hi a bulpui ber pakhat a ni. Contract pawhsei chungchangah sawi thawm ka hria, mahse, thu chiang erawh ka hre bik lo. Tunah rih chuan sawi tur ka la neilo.’ tiin a sawi bawk.
Kum 61 upa Carlo Ancelotti chuan hliamina hunrei tak a tih buai Eden Hazard chungchang pawh a sawi tel a, ‘Hazard hi top player ani, hliamin a ti buai reng thin avangin, he club tan hian a theihna sang tak a la ti lang thei rih lo. Kumthar lamah chuan a chet tha tawh viau ka ring. Amah pawhin a duh ang.” tiin Eden Hazard chungchang a sawi.
“Gareth Bale hian Premiere League match a khel tam lova. Mahse, goals tamtak a khung, khelhna huntha a neih tawh chuan a khel tha thei em em a ni. Alo kir leh ang, amah chu ka hre chiang hle” tiin Gareth Bale chungchang a sawi.
Cristiano Ronaldo chungchang sawi tel lehin, “Cristiano Ronaldo nen hian kan inclose hle, mahse, club dang player chungchanga erawh ka sawi duh lo. Juventus-ah contract a la nei rih a, amah chu ka duh tak zet tih chiah hi ka hrilh duh che u. Goal tamtak a khung theiha, a khelh that zel hi ka duh.” tiin sawi bawk.
Euro 2020 Predict na tur (Hmet rawh le)
https://surveyheart.com/form/60b91767dbdf286140eb14c3
Vannei rawh le