Euro 2020 khelh tur kan nghakhlel hlawm viauin a rinawm a, national team managers te pawhin an player duh an thlang fel deuh vek tawh a ni.
Covid 19 hrileng avangin squad-ah player 26 awm phal a ni a, a pangaiah chuan player 23 chiah a awm theih thung. Hei hi a chhan ber nia lang chu player te an positive thut chuan aiawh tur atan niin a lang.
Chelsea leh Manchester City player te hi Euro 2020-a thawh hlawk ber an ni a, an player 15 ve ve te chuan Euro an khel dawn a ni. Hetihlai hian German club lian Bayern Munich chuan player 14 lai thawh vein player thawhnem lamah pahnihna an ni. Pathumna a awm Juventus hian player 12 an thawh ve bawk.
Chelsea leh Manchester City in UEFA Champions League final an khelh vang pawh a ni mahna, national team ah an player te an tel nuk. Engpawhnise, 2020 Euro khelh turah hian Squad player upa tamna leh Squad player naupang tamna kan rawn tarlang dawn a ni.
Euro 2020 a Squad naupang
Tun tum Euro 2020 khelh turah hian Luis Enrique, Spain national team te chu squad naupang ber an ni, an kum average chu kum 24.1 a ni. Barcelona midfielder Pedri hi Spain national team-a tel zingah a naupang ber a, kum 18 a upa a ni. Chutiang bawkin Sergio Busquets leh Jordi Alba chu Spain squad-a tel zingah an upa ber bawk. Kum 32 an ni, hetihlai hian Ansu Fati leh Sergio Ramos te squad-ah an tello.
Pahnihnaah Turkey squad niin squad average age chu kum 24.6 a ni. Turkey hian star an nei nuk a, Merih Demiral, Zeki Celik, Hakan Calhanoglu, Caglar Soyuncu, Ozan Kabak leh Captain Burak Yilmez te an ni.
Pathumnaah England squad niin, squad average age hi kum 24.8 a ni. England squad-ah hian Jude Bellingham chu a nuapang ber niin kum 17 a upa a ni. Player dang naupang zual te chu Phil Foden (21), Jadon Sancho (21), Bukayo Saka (19), Mason Mount (22), leh defensive midfielder Declan Rice (22) te an ni.
Euro 2020 a squad upa
Roberto Martinez enkawl Belgium leh Zlatan Ibrahimovic awmna Sweden team chu Euro 2020 team tel zingah squad upa ber anni.
Belgium squad an kum belhkhawm average chu kum 28.7 a ni, Eden Hazard, Dries Mertens, Axel Witsel, Thomas Vermaelen, Jan Vertonghen leh Toby Alderweireld te chu kum 30 an kai vek tawh. Hetihlai hian Kevin De Bruyne, Romelu Lukaku leh Thibaut Courtois te chu kum 30 an la tling lo.
Source SK