Lawrkhawm Huapzau Celebrity

2020 Billboard Woman Of The Year Cardi B

2020 Billboard Woman Of The Year Cardi B

‘WAP’ hitmaker Cardi B chu kumin Billboard Woman Of The Year atan thlan a ni a, December 10-a Women in Music celebration vawi 15-na neihna turah he chawimawina hi hlan a ni dawn.

Cardi B hian kumin hian mi hrang hrang thawhpuiin an hla a hit thei hle a, tunhnai lawka  Megan Thee Stallion nena an tihchhuah ‘WAP’ chu kar li ngawt  Billboard Hot 100 chart-ah No.1 a ni. K-pop girl band BLACKPINK pawh thawhpui bawkin ‘Bet You Wanna’ an tichhuak a,  Brazilian singer Anitta nen pawh ‘Me Gusta’ an tichhuak bawk.

Rapper huhang ngah tak Cardi B hi Dolly Parton, Dua Lipa, leh Jennifer Lopez-te kiangah chawimawiin a awm dawn a ni.

Billboard hian Women in Music celebration hi virtual-in an buatsaih dawn a, he programme hi Teyana Taylor chuan a host dawn.

Jennifer Lopez hian Alanis Morissette, Cyndi Lauper, Mary J. Blige, Shania Twain leh Aretha Franklin-te hungzuiin Icon Award a dawng dawn a, Dua Lipa hian a album hlawh­tlinpui tak Future Nostalgia vangin Powerhouse Award a dawng dawn a, Dolly Parton chuan Hitmaker Award a dawng dawn thung.

Chloe x Halle hnenah Rising Star Award hlan a ni ang a, Jessie Reyez chu American Express Impact Award dawng tur a ni bawk. 2020 Executive of the Year Award chu Brianna Agyemang leh Jamila Thomas-te hnenah hlan a ni bawk ang.

Billboard Women in Music

Billboard Women in Music hi Billboard-in kumtina a buatsaih ṭhin a ni a, music industry-a hmeichhe artist che ṭhate chawimawina hun atan hman a ni ṭhin. Taylor Swift chu he huna chawimawina dawng hnem tawh ber niin award pathum a la tawh a, Woman of the Year atan vawi hnih thlan a nih tawh bakah Woman of the Decade award pawh nikum khan a dawng a ni.

Please follow and like us: