2020 atanga Haaland leh Lewandowski record khaikhinna

2020 atanga chhiar in Erling Haaland leh Robert Lewandowski te hi khawvela goalscorer tha ber te pahnih ti ila kan sawi sual tam awm love. Barcelona striker Lewandowski hi kum 34 a upa niin Manchester City striker Haaland ve thung hi kum 22 a upa a ni. An inkarah kum 12 a tla zep tihna anih chu.

Heng striker pahnih te hi Bundesliga ah season hnih chhung lo inel tawh in, 2020 January thla khan Haaland an Dortmund a zawm a, he tih mek lai hian Lewandowski erawh in Bundesliga a goal khung tam ber pahnihna dinhmun a hauh tawh thung. A chunga awm chu Bayern Munich legend Gerd Muller chiah a ni.

Haaland hian 2019-20 season khan Dortmund a zawm a, khawvela rawlthar beiseiawm ber pawl niin hming a chher tan tawh. A club hlui Red Bull Salzburg tan game 27 inlan in goal 29 a khung. Tin, Champions League game hmasa 6 a khelh atangin goal 8 lai a khung bawk!

Norwegian international hian Dortmund tana a game hmasa ber ah substitution bench atangin a rawn lut a, minute 20 chhungin hattrick a siam! A team hlui Dortmund chu Ausburg lakah 5-3 in hnehna a chanpui nghe nghe anih kha.

Bayern lam erawh Bundesliga awp bet tu anni a, German league ah a zawn in season 10 chhung league nomawi an chawi! He an hlawhtlinna ah hian an striker hlui Robert Lewandowski a thawhhlawk hle. A bikin 2019-20 ah Lewandowski a che tha zual a, a team hlui chu treble champion anih pui. Lionel Messi ngei pawh in Lewandowski an Ballon d’Or dawn a phu thu a chhakchhuak nghe nghe.

Tunah chuan 2020 atanga chhiar in Lewandowski leh Haaland te stats i han thlir dawn teh ang:

Erling Haaland:
Games: 97
Starts: 87
Sub appearances: 10
Goals: 98
Assists: 24
Penalties scored: 12
Minutes per goal: 80.1
Minutes per non-penalty goal: 91.3
Minutes per goal or assist: 64.4

Robert Lewandowski;
Games: 114
Starts: 111
Sub appearances: 3
Goals: 132
Assists: 26
Penalties scored: 22
Minutes per goal: 74.4
Minutes per non-penalty goal: 89.3
Minutes per goal or assist: 63.01

error: Content is protected !!