Kum 2011 UEFA Champions League final FC Barcelona leh Manchester United khelhah khan Barcelona lam chuan 3-1 in hnehna an chang a nih kha.
Kha tih lai khan Pep Guardiola chuan FC Barcelona a enkawl a, Wayne Rooney chuan first half-ah draw na goal a khung a. FC Barcelona tan hian Pedro, Lionel Messi leh David Villa ten goal an khung.
Xavi chuan nikum The Guardian in interview an neih pui naah Rooney thusawi ti hian a sawi chhuak, “A tawk tawh, hnehna i chang. Tunah chuan helai vela ball i chawh kual vel hi bansan tawh rawh.” tiin a sawi.
Kha tih lai khan Sir Alex Ferguson pawh a tang ve hle. Mahse, FC Barcelona vanglai tak ani ve bawk, a vanduai hle. Amah Ferguson ngei pawhin, ka manager career a team ka hmachhawn tawhah chuan team tha ber an la ni tiin a sawi hial.
“Hnehna chan kha an phu tak zet.” tiin Sir Alex Ferguson chuan a sawi niin BBC Sport in an tarlang.
“An khelh dan kha a dik em em a, football an enjoy hi a ni ringawt. An passing a tha kher mai, englai mahin Lionel Messi kan control zo lo, mahse, mi tamtak ina an sawi chu, ka manager career a ka team hmachhawn tawh zinga tha ber an nih thu an sawi.”
Source Sportsbible
Read More (Chhuah tum anga an sawi Timo Werner-a a tawng chhuak)
Chelsea striker Timo Werner chu season khat chauh Premiere League club lamah hun a hman hnuin, chhuah a tum nia sawi thawm a awm a, hemi chungchangah a tawng chhuak.
2019/20 season khan Timo Werner hi RB Leipzig tan a che tha hle a, kha season-ah khan goals 34 khungin assists vawi 13 lai a nei tling a ni. A chet that em avangin Chelsea chuan summer transfer hnuhnung ber khan an la lut.
Timo Werner hi Stamford Bridge lamah season khatna a hmang zo a, all competions-ah goals 12 chiah a khung thei a ni. Mahse, Chelsea chhuahsan erawh a la tum lo, goal khung zel theih a inring a ni.
“Goal khung leh chance hlauh chungchangah season chhe ber a la ni, mahse, a tawp thlengin goals 27 lai maiah ka inhnamhnawih ve a ni,” tiin Timo Werner chuan Daily Telegraph a hrilh.
“Kan team-ah chuan a hmasa ber ang ka niin ka hria, engkim hi a chhe vek bik lo, kuminah club chhuahsan lam ka rilruk lo, nakum lam pawh ka la chiang lo. A chhan chu team tha tak kan ni a, chuan goal khung thei tak ka nih leh theih hi ka beisei a, keimah atanga an duh ang chi hi ka ti thei vek ang.”
“Mipuiin ka chungah rinna an nghat hle tih ka ring, club pawn leh club chhungah pawh. Goal score lama record ka neih vangin kan sang.
“Ka club hlui RB Leipzig tan goal tamtak ka assist tawh a, mahse, hetah hian ngatinge ka luh tih ka hria, goals 12 chauh khungin Premiere League goals 6 chiah khung mah ila, hei hi a tha tawklo a ni.”
“Goals 12 leh assists vawi 15 ka nei tiin i sawi thei ang, hetiang ang bawkin inelna zawng zawngah goals 27 lai maiah ka inhnamhnawih ti pawhin. Hei hi a chhe hran lo a ni, ka vanduai tum season pawh a ni maithei a, anih loh pawhin season chhe ber pawh a ni thei, kum tamtak ka la nei e.”
“Season thar lamah goal ka khung thei viau a nih chuan, kei aiin mipui te an hlim zawk ngei ang ka ring.” tiin Timo Werner chuan a sawi.
Source SL