2006 Champions League final a thil thleng vanga rilru dam theilo Arsene Wenger

Arsene Wenger chuan football ah Video Asssistant Referee (VAR) chu hmang hma deuh nise Arsenal chanchin a danglam ngei a ring. Arsenal boss hlui hian 2006 Champions League final a Samuel Eto’o goal khung chu offside ngei anih thu a sawi.

Kha final match ah khan Arsenal goalkeeper Lehmann chuan inkhelh tan atanga minute reilote hnuah red card a hmuh avangin Gunners in player 10 a an khelh chhunzawm a ngai. Player 10 zawk mahse nise Sol Campbell an minute 37 na ah Arsenal hmahruaina goal a khung a, first half an zo. Second half an han tan leh a, hun tawp dawn ruaiah Samuel Eto’o leh Juliano Belletti te goal hmang in Barcelona in 2-1 in hnehna an chang.

He inkhel a Eto’o goal khung chu a hnua enthat leh anih in offside ni ngeiin a lang a, game pawimawh lutuk a match official thutlukna siam sual in Arsenal fans te lairil a khawih!

”2006 Champions League final match kha a ni a, Eto’o goal khung kha offside a ni. Khami tum khan VAR hman nise Arsenal chanchin hi a danglam ngei ang. Game a hnehna chan loh hi thil pawmthiam harsa tak a ni a, thutlukna diklo vanga tlawm phei hi zawng a na leh zual. An siphurh sutna goal kha television a en let leh anih hnuin pawm theih loh a ni. Kha thil thleng avang khan tun thleng hian na ka la ti. Player 10 a khel in player 11 kan hmachhawn a, kan khel tha em em a mahse offside goal vanga kan chaklo kha chu pawm zam a harsa hle a ni” tiin Gunners boss hlui Arsene Wenger an Eto’o offside goal vanga an Arsenal in an ropui tur ang ropuina an chan loh thu a sawi.

Related Posts

error: Content is protected !!