Zlatan’an insualpui min tum – Ashley Cole

Chelsea star hlui Ashley Cole chuan Major League Soccer (MLS) club LA Galaxy lama an khelh laiin, Zlatan Ibrahimovich’an insualpui a tum niin a sawi.

Zlatan Ibrahimovic hian kum 2018 khan Manchester United a chhuahsan a, hemi hnu hian Los Angeles lamah season duhawm tak a hmang a ni. Kum 2 a awm chhung khan match 58 a khelh atangin goal 53 lai a khung.

Ibrahimovic hi tawng thei tak anga hriat a ni, mahse, A Cole chuan Zlatan hian nihna pahnih a nei a, media hmaah leh dressing room lama a awm dan chu a inthlak thei niin a sawi.

“Ibrahimovic hian nihna pahnih a nei a, dressing room lamah kan bula a awmin, a fing hle, a ngawi thei a, a inngaitlawm a, mahse, Media hmaah erawh Pathian ang mai a ni.” tiin A Cole chuan MLS TV Show a hrilh niin Daily Mail in an tarlang.

“Dressing room lama alo kal hian, mite chu an chet dan a sawi chhuah sak thin, i khawih dik lo, i tlan thei lo, i muang lutuk tiin, mahse, media hmaah erawh a nihna a thlak leh hlauh thin.”

“Vawi khat chu insualpui min duh niin a lang, a kut chu boruakah a vei vak vak.”

“Kei chuan, i kut kha dahthla rawh, kei hi ka hlauhawm tak zet a nia tiin ka sawi a. ‘Nang pawh chet that lohna i neih ve tho kha, chuvang chuan i kut kha phar vak vak suh’ tiin ka ngaihtuah nghe nghe.”

Source SL

Related Posts

Leave a Reply

Your email address will not be published. Required fields are marked *

error: Content is protected !!