“Zlatan-a ka kiss a, min beng”

Zlatan Ibrahimovich teammate hlui pakhatin a muah (kiss) thu a sawi, a muah avanga ben a nih thu a sawi tel bawk.

Malmo Lamah a chet that viau hnuin Ibrahimovich chu kum 2001 khan Ajax Amsterdam lamah a insawn a, Ajax Amsterdam ah hian season 3 chhung teh meuh mai hun a hmang.

Holland lama hun a hman chhung hian Ibrahimovich chuan player tha tak tak te alo khelh pui nual tawh a, a khelh pui zingah Andy van der Meyde pawh a tel.

Midfielder Van der Meyde hi Netherlands tan match 14 lai a khel tling ve a ni. Tun hnai interview ah Ibrahimovich a prank hnuah ben a hlawh thu a sawi chhuak.

“Ajax lama kan khelh lai khan, Bus chhungah Zlatan kiangah ka thu deuh ziah” tiin Van der Meyde chuan Dutch TV show DTBL a hrilh.

“Vawikhat chu a muthilh laiin, gay anga awmin, a kaah ka fawp a, second tlemte hnuah, vawi 2 lai mai ben ka hlawh” tiin a sawi.

Van der Meyde hi Ajax Amsterdam tan match 122 lai a inlan hnuin, Italy club Inter Milan lamah a lut leh a, tah chuan Match 54 a inlan atangin goal 12 ah a inhnamhnawih. Midfielder a khek thin player a ni.

Season 2 hnuah Premiere League club Everton a zawm leh a, mahse, a rama a chet that angin a che the thei tawh lo. Tunah chuan football a chawlhsan tawh a ni.

Source SL

Related Posts

Leave a Reply

Your email address will not be published. Required fields are marked *

error: Content is protected !!