Zidane’an Real Madrid a chhuahsan hnuah, Real Madrid Manager shortlist 4

Kan hriat angin kum 48 a upa Zinedine Zidane chuan Atletico Madrid lakah La Liga title a chan a, hei mai a nilo Real Madrid chu UEFA Champions League final a thlen pui zo lo, Chelsea in semi-final ah an pet chhuak a nih kha.

Los Blancos lam chuan nimin khan an manager Zinedine Zidane’an club a chhuahsan thu an puang. Tun hi a vawi 2 chhuahna a ni a, a vawikhat chhuahnaah kha chuan a zawnin UEFA Champions League nomawi vawi 3 lai a chawi pui. Mahse, tun tumah erawh chuan eng nomawi mah a chawi pui theilo a ni.

Real Madrid hian manager thar tur an zawng nghal a, Tottenham manager hlui Mauricio Pochettino chu an top target a ni mek.

Pochettino hi a club hlui Spurs lama kir leh tur angin thuthang a awm. Hemi chungchangah Real Madrid president Florentino Perez chuan Tottenham chairman Daniel Levy chu hmuh a tum niin reports in an tarlang.

Tun hnaia Inter Milan chhuahsantu Antonio Conte pawh hi Zidane thaktu tur zingah a tel.

Real Madrid midfielder hlui Xabi Alonso pawh hi a tela, tunah hian Real Sociedad B a enkawl mek.

Kum 39 a upa Xabi Alonso hi Santiago Bernabeu-ah hian season 4 lai mai hun a hmang a, Madrid U14 atangin coaching career bul a tan a, kum 2019 khan Real Sociedad B a enkawl tan leh a ni. March thla khan Bundesliga club Borussia Monchengladbach nena sawi zawm a ni. Mahse, Sociedad B manager hian kum khat dang contract a sign belh.

Spain-a report thenkhatin an tarlan dan chuan Madrid legend Raul pawh hi Zidane thlaktu tur zingah a langsar hle niin an tarlang. Raul hi Los Blancos-ah kum 16 chhung teh meuh mai senior game khela awm a ni. Tunah hian Real Madrid Castilla manager in a awm mek.

Source Sportsbible

Related Posts

Leave a Reply

Your email address will not be published. Required fields are marked *

error: Content is protected !!