Zaninah Lionel Messi’an Barcelona a chhuahsan ang em le?

FC Barcelona lamin an superstar Lionel Messi chu a chhuak dawn lo tiin sawi mahse, Ballon d’Or vawi 6 dawng tawhtu Lionel Messi hi July ni 1 atang chuan free agent in a chhuak thei dawn a ni. Tunah hian thu chiang a la awm lova, Barcelona a chhuahsan dawn nge, contract a pawtsei dawn tih a la chiang lo a ni.

Daily Mail in an tarlan dan chuan kum 34 a upa hi free agent in Thursday hian a chhuak thei dawn niin an tarlang a, contract pawhsei chungchangah inbiakna an la neih loh thu a tarlang bawk.

FC Barcelona president Joan Laporta chuan Lionel Messi’an a contract a pawtsei ang tiin vawi tam a sawi tawh a, mahse, technically chuan Vawiin hi Barcelona a a contract neih last date chu a ni. July ni khat atang khian free agent in a chhuak thei dawn a, contract thar a sign dawn nge sign dawn lo tih a chiang rih lo.

Tuna a lan dan chuan contract thar chungchangah kar leh chhungin inbiak an tum niin a lang, Barcelona chuan hemi hun chhung hian Europe club tha dangin Lionel Messi an lak theihna hun an hawng niin a lang bawk.

Lionel Messi hian official takin Barcelona-ah ka la cham chhunzawm ang tih a la sawilo hrim hrim a, summer transfer hmasa zawkah pawh FC Barcelona a chhuahsan teuh hle, hei vang hian eng thu chiang mah a la sawi bik lo a ni.

An sawi zel danah Lione Messi’an FC Barcelona-ah contract thar a sign a nih chuan a hlawh atang £172 million lai mai an cut a ngai dawn niin an sawi, a chhan chu La Liga financial fair play an zawm theihna turin.

Tunah hian Argentina tan Copa America 2021 a khel mek a, match 4 a khelh tawh atangin goal 5 lai maiah a inhnawmhnawih tawh.

Source SL

Related Posts

Leave a Reply

Your email address will not be published. Required fields are marked *

error: Content is protected !!