World Cup History-a Goal Khung Hnem Player 5 te

Kan hriat angin FIFA World Cup hi khawvel football tournament-ah chuan ropui ber niin kum 4 danah neih ziah a ni thin. Player zawng zawng te hian khawvel prize ropui ber hi chawi an duh vek a ni.

He Tournament-ah hian player hrang hrang ten record an siam a, tun tumah pawh hian FIFA World Cup history-a goal khung hnem zual player 5 te kan rawn tarlang ve leh dawn a ni.

5. Pele (Brazil) – World Cup Game 14 a khelh atangin goal 12 lai a khung thei a ni.

Pele hi Brazil history-a goal khung hnem ber niin, FIFA World Cup nomawi hi vawi 3 lai a chawi hman a, Football history-ah mi tamtakin player ropui ber pakhat angin an sawi.

Pele hian kum 1970 khan Golden Ball award a dawng a, World Cup final-a teenager goal khung hmasa ber ani nghe nghe.

4. Just Fontaine (France) – Games 6 chauh khel mahse, goal 13 lai a khung thei.

Just Fontaine hian World Cup vawi khat chiah a khel thei a, World Cup Tournament khata goal khung hnem ber a ni. Match 6 a khelh atangin goal 13 lai a khung.

Tournament khatah goal 13 lai khung mahse, France in nomawi an chawi thei lova, kum 1958 khan GOlden Boot a dawng a ni.

3. Gerd Muller (Germany) – Games 13 a khelh atang goal 14  a khung.

Gerd Muller hi “Der Bomber” tia hriat a ni bawk, goal hmaah hian a hlauhawm thei em em a, World Cup history-ah Germany tan games 13 a khelh atang goal 14 a khung thei a ni. Kum 1974 khan Germany chu World Cup nomawi a chawi pui.

Kum 1970 khan Golden Boot a dawng a ni.

2. Ronaldo (Brazil) – Game 19 a khelh atangin goal 15 a khung.

Ronaldo hi football history-ah striker tha ber anga sawi thin a ni, Brazil tan World Cup match 19 a khelh atang goal 15 a khung a, a ram Brazil chu World Cup nomawi 2 a chawi pui a ni.

Football a chawlhsan hma khan Ballon d’Or vawi 2 a dawng hman a, hliamin ti buai lo se chuan a dang pawh a dawn belh ngei rin a ni.

1. Miroslav Klose (Germany) – Games 24 a khelh atang goal 16 a khung.

German striker Miroslav Klose hi FIFA World Cup history-a goal khung hnem ber record neitu a ni mek. Semi final vawi 4, a zawna inlan thei vek player awm chhun a ni. Klose hian FIFA World Cup tournament vawi 4 a khel a, games 24 a khelh atang goal 16 lai a khung.

Kum 2006 khan Golden Shoe a dawng a, kum 2014 khan Germany chu nomawi a chawi pui.

Source SL

Related Posts

Leave a Reply

Your email address will not be published. Required fields are marked *

error: Content is protected !!