World Champion France in Hungary an hneh thei lo

Zanin Euro 2020 match khelhah Hungary leh France te khelin 1-1 in an indraw.

France boss Deschamps chuan Germany an hneh tuma an squad a thlak danglam hret a, Lucas Hernandez start tir lovin Lucas Digne a start tir, hetihlai hian Olivier Giroud pawh bench-ah a thuttir leh a ni.

Digne hi a che chhe vak lo, minutes 16 na velah a cross tha zet mai chu Kylian Mbappe’an lo dawngin goal-ah a chantir teuh hle.

Mbappe chuan minute 30 na velah Karim Benzema chu box chhungah ball tha zetin a siam sak a, mahse, Real Madrid star Karim Benzema chuan goal-ah a chantir thei chuang lo.

Half time zawh hmain goal khat a lut a, mahse, he goal lut hi France thun ni lovin Hungary lam thun a ni. Hungary tan hian first half tawp dawn tepah Fiola chuan goal a khung.

Deschamp chuan Adrien Rabiot la chhuakin Ousmane Dembele a luh tir a, Dembele hi reilote a khelh hnuah a ke a nat avangin lak chhuak leh a ni.

Minute 65 na velah Mbappe counter attack that lutuk avangin Antoine Griezmann chuan goal-ah a chantir a ni.

Griezmann hian a zawnin international game vawi 50 lai a khel tawh a ni.

Minute 15 vel khelh tur la awmah Deschamp chuan Giroud, Corentin Tolisso leh Thomas Lemar te a luh tir. Mahse, goal dang erawh an thun belh thei tawh lo. Huntawp dawn tepah Raphael Varane chuan a lu hmangin goal-ah a thun teuh hle.

Related Posts

Leave a Reply

Your email address will not be published. Required fields are marked *

error: Content is protected !!