Vidic’an Harry Maguire Rating a pe

Kum 28 a upa Harry Maguire hian kum 2019 khan Leicester City atangin Manchester United chu £80 million lai maiin a zawm a, Ole Gunnar Solskjaer hnuaiah player pawimawh tak pakhat a ni.

Season khelh zawh takah Man United captain niin United chu Premiere League table ah pahnihna a nih pui a, Europa League final a luh pui bawk.

Europa League final Poland a an khelah khan United chu Villarreal lakah an tlawm a, Maguire in hliam neih mahse, substitute ah thuin, luhtir erawh a nilo.

England in Euro 2021 game hmasa bera Croatia an hneh tumah pawh khan a ke rekah hliam a neih vangin a khello.

Wembley-a Scotland 0-0 a an draw tum pawh khan bench ah thuin luhtir a ni. Heta tang chuan Gareth Southgate starting XI ah ala tel deuh chae char tawh a ni.

Manchester United defender hian ram leh club tana Trophy chawi a nghakhlel tawh hle a, a hnaih zel niin alamg.

Nemanja Vidic hi Premiere League player tha ber pakhat anga sawi thin a ni. Old Trafford lama hun a hman chhung khan Premiere League nomawi vawi 5 lai chawiin, UEFA champions League nomawi a chawi bawk.

Kum 39 a upa Man Utd captain hlui Vidic chuan Maguire chu fakin, ‘inrintawkna a nei a, nuam ti takin a khel’ tiin a sawi.

Nemanja Vidic chuan Maguire chu rating pein, 10 ah 8 a pe.

“Maguire hi a inringtawk tawh a, nawm a tih hmel tawh hle. Manchester United lama a chet dan ai chuan Ram tana a chet dan hi a tha zawk” tiin Vidic chuan The Athletic a hrilh.

“Hmasawn tak defender a ni. Mahse, level sang tak thleng tur chuan trophy a chawi ve phawt a ngai dawn a ni. Maguire khelh dan ka en hian a sang berah 10 ah 8 rating ka pe.”

“Entirnan Ball-ah leh rang lamah Rio Ferdinand a tluk lova, tackle emae lu lamah ka tih danin a tilo. Mahse, a game khelh tawh zawng zawngah quality nei tha tak ani tih chu a hriat.”

“A rang tawk a, a chak tawk bawk. A zuang theia, ball a khalh thei bawk. A position ah a tha em em a ni.” Tiin a sawi.

Source: Sportbible

Related Posts

Leave a Reply

Your email address will not be published. Required fields are marked *

error: Content is protected !!