Varane’an Man Utd a zawm dawn chuan a hlawh duh zat a sawi, a tam hle?

Real Madrid centre-back Raphael Varane chu Manchester United target a nih thu an tarlang a, a hlawh duh ang a sawi hi a tam rem rem hle.

Spanish leh English publication hrang hrang ten kum 28 a upa France international hian 2021/22 season lo awm turah chona thar a hmachhawn dawn niin an sawi hlawm a.

Kum 2011 khan Raphael Varane chuan France club Lens atangin Los Blancos a zawm a, kha tih laia a man chu €10 million chauh a ni. Spanish club lian Real Madrid tan hian match 360 lai mai khel tawhin, trophies pawh 18 lai a chawi tawh a ni.

Real Madrid lama contract a neih hi season thar lo awm tur hi an khelh zawh hunah a zo ve dawn, Spanish club lian Los Blancos nen hian contract pawhsei chungchangah inbiakna an la neilo.

Red Devils lam hian hunrei tawh tak atang khan Raphael Varane hi an lo duh ve tawh niin a lang, Real Madrid atanga chhuah a dil a nih chuan, amah latu tur zingah Man Utd hi an langsar hle.

The Independent in an tarlan dan chuan 2018 FIFA World Cup winner Raphael Varane hian Premiere League club lian Man Utd zawm turin a inpeih tawh niin an tarlang a, mahse, an la lut dawn a nih chuan kar khatah £400 000 lai mai an pek a ngai dawn, a duh zat hi an pe thei a nih chuan Man Utd player hlawh hnem ber a ni ang.

Los Blancos president Florentino Perez pawhin Raphael Varane hmalam hun sawiin, eng offer mah defender atangin an la hmuh loh thu a sawi.

“Raphael Varane atang hian eng offical bid mah kan la hmulo” tiin Florentino Perez chuan a sawi niin transfer expert Fabrizio Romano chuan a sawi.

“Tunah chuan Euro khelin hun a la hmang mek a, eng thil nge thleng dawn tih kan hmu ang, tun summer ah hian chhuah tak tak duh ta se, a sawi ngei ang.” tiin a sawi bawk.

Source Sl

Related Posts

Leave a Reply

Your email address will not be published. Required fields are marked *

error: Content is protected !!