‘Van De Beek hi United tan a fit tawk lo’

Netherlands star hlui Rafael van der Vaart chuan a rampui pa Donny van de Beek chu Manchester United tan a fit loh thu sawiin, Man Utd chhuahsan tum rawh se tiin a sawi.

September 2020 khan Ajax Aterdam atangin Van de Beek chuan Red Devils a zawm a, mahse, 2020/21 Premiere League season-ah khan vawi 4 chiah a start a ni. All competions-ah pawh a khel tlem hle.

Manchester United Bruno Fernandes leh Paul Pogba an nei tawh a, ngatinge United khel a zawm tiin zawhna a tam hle. Fernandes leh Paul Pogba te khelhna ang position a khel a ni. Van der Vaart chuan Van de Beek hian Old Traford chhuahsan rawh se tiin a sawi a, Borussia Dortmund hi atan club tha ber a nih tur thu a sawi bawk.

“Van de Beek hi Ajax system-ah chuan a perfect hle, mahse, Manchester United-ah erawh a fit lo,” tiin Real Madrid leh Tottenham Hotspur star hlui Van der Vaart chuan ESPN a hrilh.

“Tun summer-ah tumahin United an chhuahsan lo a nih chuan, starting line up chang tur chuan a vanneih hle a ngai ang.”

“Season hnih chhung teh meuh mai bench-ah a thu dawn tihna a nimai. Minutes rang tak a mamawh. A la naupang a, mahse, hun erawh a liam zel.”

“Borussia Dortmund te ang hi a tan chuan kalna tur dik tak a ni. Manchester United erawh a hla hle.” tiin a sawi bawk.

Source SL

Related Posts

Leave a Reply

Your email address will not be published. Required fields are marked *

error: Content is protected !!