UEFA SUPER CUP – Chelsea vs Villarreal khelh turah entu an awm thei dawn

Belfast, Windsor Park ah Chelsea leh Villarreal chuan UEFA SUPER CUP an khel dawn a, he inkhelhah hian mihring 13,000 velin an en thei dawn niin report in an tarlang.

UEFA Champion League winner Chelsea chuan UEFA Europa League winner Villarreal hi August ni 11 ah an hmachhawn dawn a, club pahnih te hian an fans te tan ticket an hralh chhuak ve ve dawn a ni.

Fans te hian August ni 2 thleng ticket hi an ngaihven thei dawn a, heng ticket confirm tawh te atang hian PCR negative emaw Covid 19 negative tih hriatna an hmuh tir a ngai dawn a ni. He inkhelhah hian ei tur leh in tur reng reng a chhungah a lei theih daw lo a ni.

Seat man hi categories 3 atang 1 thleng a awm a, seat pakhat man hi 40 euros (£35) atang 120 euros (£106) thleng a ni ang. Fans te atangin mi pakhatin ticket pahnih zel a book theih dawn a ni.

Irish FA chief executive Patrick Nelson chuan ti hian a sawi, “UEFA SUPER CUP FINAL chu August ni 11 khian National Stadium Windsor Park ah khelh a ni dawn tih kan puang thei hi a lawmawm tak zet. Entu lam pawh a tlem thei ber kan luh tir dawn a, mi 13,000 velin an en thei ang.”

“Stadium-a leng zawng zawng atanga 30 pencent vel kan paih hnu a ni.” Tiin a sawi bawk.

Source AF

Related Posts

Leave a Reply

Your email address will not be published. Required fields are marked *

error: Content is protected !!