UEFA in Pogba sehtu Rudiger chungchangah thuchhuah a siam

2020 UEFA European Championship group match France leh Germany khelhah khan Germany defender Antonio Rudiger’an Paul Pogba a seh niin a lang a, hemi chungchangah UEFA chuan Rudiger hi an hrem dawn nge hrem dawn lo tih an sawi chiang dawn.

Hriat angin kha inkhelhah khan France lamin 1-0 in hnehna an chang a, goal 1 lut awmchhun hi own goal a ni. Manchester United star Paul Pogba chu Man of the Match atan thlan a ni a, a che tha hle.

Germany an hmachhawn tumin kum 28 a upa Paul Pogba hi a che tha tak zet a, mahse, fan tena an sawi tam ber pakhat chu Rudiger’an Pogba a seh tih hi a ni.

Fist half ah khan Chelsea defender Antonio Rudiger chuan Manchester United midfielder Paul Pogba hi a seh nii a lang. Mi tamtakin Rudiger hi Luis Suarez nen an lo khaikhin hman.

Game khelh zawh a nih khan, Pogba chuan a thianpa Rudiger hrem lai hmuh a duh lo niin a sawi. “Min seh tih ka hriat khan, referee ka hrilh nghal a, ani chuan a ti fel mai a, card a phawrh lo, hei hi a tha hle in ka hria. Hemi avang maia suspend a nih kha ka duhlo a ni.” tiin a sawi.

The Guardian in a tarlan dan chuan European football governing UEFA chuan Antonio Rudiger chungchangah thuchhuah siamin, kha thil thleng vang khan an hrem dawn lo a ni.

Rudiger pawh a thil tih chungchangah tawng chhuak ve in, a ka chu Pogba kawng hnaih takah a dah thu sawiin, huntawpna whistle a rik hnuah eng thil nge thleng dawn tih chungchang an sawi dun niin a sawi.

Source SL

Related Posts

Leave a Reply

Your email address will not be published. Required fields are marked *

error: Content is protected !!