UEFA Champions League History-a Hat trick siam tam Player 5

Nimin atangin 2021/22 season UEFA Champions League an tan leh tawh a, niminah khan match 8 (fixture) khelh a ni a, goal lut zawng zawng chu goal 16 lai a tling.

UEFA Champions League-ah hian goal khung thei player tha tak tak an awm nual tawh a, hetihlai hian superstar thenkhatte chu kum tamtak chhung Champions League-ah hian goa tamtak an lo khung tawh a ni.

Engpawhnise, tun tumah hian UEFA Champions League history-a hat trick siam tam payer 5 te kan rawn tarlang ve leh dawn a ni.

5 Neymar (3 UCL hat-tricks)

Neymar has three Champions League hat-tricks to his name

Neymar’an UEFA Champions League hat trick a siam hmasak berna chu FC Barcelona lama a khelh lai khan a ni a, kum 2013, December ni 11 khan Celtic an hmachhawn a, 6-1 lai maiin Barcelona lamin hnehna an chang, hemi tum hian Neymar pawhin hat trick hmasa ber tur a siam. Hemi hnu hian Hattric dang vawi 2 a siam leh a ni.

Paris Saint Germain lama a khelh hnu kum 2018, Octber ni 3 khan Red Star Belgrad lakah UCL hat trick vawi 2 na siam lehin, Istanbul Basaksehir lakah UCL hat trick vawi 3 na a siam bawk.

4 Luiz Adriano (3 UCL hat-tricks)

The Brazilian impressed during his time in Europe

Luiz Adriano hi player lar tak tia sawi a ni lova, mahse, Champions League lamah record a nei tha ang reng. He Attacker hi UEFA Champions League history bikah game khata goal khung tam ber record neitu a ni. Lionel Messi nen an record neih a inang. Champions League game khata goal 5 khung thei awm chhun an ni.

Adriano hi footballer zinga back to back hat trick siam thei awmchhun a ni bawk. A career-ah UEFA Champions League hat trick vawi 3 a siam a, heng zawng zawng hi Shakhtar Donetsk tana a khelh laia a siam vek a ni.

3 Robert Lewandowski (3 UCL hat-tricks)

Lewandowski simply can't stop scoring

Tun dinhmuna khawvel striker tha ber anga sawi mek a ni. He list-a Robert Lewandowski a lan ve hi a mak hran lo Striker goal khung thei tak pakhat a ni.

2013/14 season khan Bayern Munich leh Real Madrid inhmachhawnin, Polis International Lewandowski chuan Bayern Munich tan goal 4 lai a khung a ni. 2015, September ni 15 pawh khan Dinamo Zagreb lakah hat trick a siam bawk. Vawi khat dang chu Red Star Belgrade laka a siam a ni.

2 Cristiano Ronaldo (8 UCL hat-tricks)

The all-time scorer in the competition's history

Manchester United superstar Cristiano Ronaldo hi Champions League goal khung hnem ber a ni mek a. UEFA Champions League match 177 a khelh tawh atangin goal 135 lai a khung tawh a ni.

C Ronaldo’an Champions League hat trick a siam hmasak berna chu kum 2012 ah khan a ni a, Ajax an hmachhawn tuma a siam a ni. Hei mai bakah Galatasaray, Shaktar Donetsk, Malmo, Wolfsburg, Bayern Munich leh Atletico Madrid lakah te pawh alo siam tawh bawk.

1 Lionel Messi (8 UCL hat-tricks)

The attacker scored all his eight UCL hat-tricks for Barcelona

Lionel Messi hi Cristiano Ronaldo nen UCL hattrick an siam zat hi a inang chiah a, mahse, Champions League history-a Hattrick vawi 8 siam thei player hmasa ber a ni.

UCL hat trick a siam hmasak ber chu kum 2010, April ni 6 ah khan niin, Arsenal lakah a siam a ni. Hei mai bakah Viktoria Plzen, Bayer Leverkusen, Ajax, APOEL, Celtic leh Manchester City te lakah pawh alo siam tawh bawk.

Source SL

Related Posts

Leave a Reply

Your email address will not be published. Required fields are marked *

error: Content is protected !!