UCL final an tlawm chungchangah Pep Guardiola thusawi

Manchester City manager Pep Guardiola chuan UEFA Champions League final-a a tlawm vawikhatna chungchangah a hmuh dan a sawi.

Pep Guardiola hian UEFA Champions League final vawi 3 a thleng tawh a, mahse, Premiere League club Manchester City chiah hi a champions pui theilo a ni.

Nizan inkhelhah chuan Chelsea lamin 1-0 in hnehna an chang a, goal khat awmchhun thuntu hi Kai Havertz a ni. Pep Guardiola’an a midfielders Rodri leh Fernandinho a hman loh avangin sawiseltu a ngah hle. Mahse, decision a siam chu decision dik tak niin a ngai.

“Team selection chungchangah ka duhdan ka tih kha decision dik tak a ni.” tiin Pep Guardiola chuan BT Sport a hrilh.

“Kevin de Bruyne khan hliam a tawk a, kha khan competion-ah nghawmg a nei a, khang games-ah khan ngawng a nei nual bawk. Tupawh mai hi kan mamawh a ni.”

“Kan thil tum sanna chu tunah a zo tawh a, mahse, season thar atan inpuahchah a ngai. He stage hi kan vawikhat thlenna a ni a, he stage bawk hi engtikniah emaw kan thlen leh ngei beisei ang.”

“Kan tan chuan season hmaih chi rual a ni lo, game a tight hle. Huntha kan nei a, second half-ah phei chuan kan tha tak zet. Kan langsar a, huntha kan neih te goal-ah kan chantir thei lo, an defence lam an khawng hle. Player te chetna kha hmaih chi rual a ni lo, engtikniah emaw chuan kan lo kir leh ang.” tiin Man City manager Pep Guardiola chuan a sawi.

Source SL

Chelsea Champions Gallery

Source SL

Related Posts

Leave a Reply

Your email address will not be published. Required fields are marked *

error: Content is protected !!