Tunkar chhungin FC Barcelona in an player 4 an hralh chhuak maithei?

Season thar tan a ni tep tawh a, Barcelona player 4 te erawh season tharah FC Barcelona player an ni tawh lo maithei.

Catalan club hian tun transfer window-ah hian an player hralh chhuahna atangin sum an hlawh chhuak nual tawh a, mahse, tunkar chhung hian Player tha lak luhna tur sum tuak nan an player thenkhatte hralh chhuah leh an tum dawn a ni.

The Athletic in an tarlan dan chuan French defender Samuel Umtiti hi 2021/22 season chuan club dangah a insawn dawn niin an tarlang a, centre back hi Barcelond friendly match-ah friendly match hnuhnung ber chiah kha a la khel.

Samuel Umtiti

Martin Braithwaite pawh hi 2018 FIFA World Cup winner ang thovin, Barcelona tan friendly match vawikhat chiah ala khe. Denmark International hi Europe team thenkhatten an duh hle niin an sawi, amah duhtu zingah hian Premiere League club te pawh an tel ve bawk.

Martin Braithwaite

Bosnian midfieder Miralem Pjanic pawh season hmasaah khan Ronald Koeman hnuaiah duh angin khelhna hun a chang thei bik lova, hei vang hian chhuah lam a rilruk niin an sawi.

Miralem Pjanic

Ousmane Dembele pawh hi Barcelona chhuahsan tur hnai vai zingah a tel a, hliamin a tlak buak hma atang tawh khan Barcelona lam pawhin hralh an lo rilruk tawh a ni. 2020 UEFA European Championship-ah khan France tan khelin a hliam na viau a nih kha.

Ousmane Dembele

Barcelona player lak luh thar Memphis Depay chuan Dembele Jersey number 11 chu pre-season match an khelhah a ha a ni. Memphis Depay hian a hak hlen a rinawm.

Source Sl

Related Posts

Leave a Reply

Your email address will not be published. Required fields are marked *

error: Content is protected !!