Tun season Champions League khel zinga UCL nomawi la chawi ve lo Player tha 5 te

UEFA Champions League hi khawvel football club inelnaah chuan a sang ber anga sawi a ni thin. He inelnaah hian club tha tak tak te an lo inel tawh thin a, he tournament a nomawi chawi chu club leh player te dream lian ber pakhat a ni.

UEFA Champions League nomawi chawi thei player tamtak an awm tawh a, hetihlai hian player tha thenkhatte erawhin an la chawi thei bik lo. Engpawhnise, tun tumah hian tun season UEFA Champions League khel zinga tel top player 5, mahse, nomawi la chawi ve rih lo te kan rawn tarlang ve leh dawn a ni.

5. Antoine Griezmann

Antoine Griezmann

FC Barcelona lama hun a hman chhung khan duh angin a che tha vak lo a ni maithei. Mahse, footballer tha tak pakhat a nih zia chu hai rual a ni lo. Vanduaithlak takin a career-ah UEFA Champions League nomawi ala chawi rih bik lo.

Tunah hian a chet thatna club Atletico Madrid lamah kir leh tawhin, Madrid lamah hian a chet that zel a rinawm.

4. Romelu Lukaku

Romelu Lukaku

Romelu Lukaku hi tun dinhmunah Khawvel striker tha ber pakhat a ni mek. Italy lama hun reilote a hman kha a career-a a chet that ber tum a ni. Chelsea chuan a that zia hriain £97.5 million lai miin an la lut leh a, mahse, a career-ah UEFA Champions League nomawi ala chawi rih bik lo.

Chelsea lama a kir leh hnu hian season bul a tan tha leh hle a, chet that chhoh zel a mamawh dawn a ni, Chelsea hian season hmasa khan Champions League nomawi an chawi tawh a, tun season hian an chawi leh thei mai ang em?

3. Paulo Dybala

Paulo Dybala

Paulo Dybala hi hmalam hun eng tak nei a ni, Juventus attacking playmaker niin, chet that loh chang nei thin mahse, Juventus player pawimawh tak pakhat a ni mek.

Tunah hian kum 27 chauhva upa ni rih in, Champions League nomawi chawi theihna hun ala nei rih a ni.

2. Kevin De Bruyne

Kevin De Bruyne

Kevin De Bruyne hi kum 3 liamta vel atang khan khawvel midfielder tha ber pakhatah a rawn inchhuah a, Manchester United player pawimawh ber pakhat ani mek.

Manchester City-ah hian kum 7 dawn tep chu hun alo hmang ve tawh a, mahse, UEFA Champions League nomawi erawh ala chawi thei rih bik lo. Season hmasa khan a chawi teuh hle, final-ah Chelsea hmachhawnin, a tlawm zawkah an tang ta a ni.

1. Zlatan Ibrahimovic

Zlatan Ibrahimovic

A hunlai nana kha chuan striker ropui ber anga sawi thin a ni, mak deuh mai chu Zlatan Ibrahimovic hian UEFA Champions League nomawi erawh ala chawi ngailo.

Europe club hrang hrangah te khel kual tawhin, Tunah hian kum 39 a upa a ni tawh a, trophy chawi theihna hun tlemte ala nei thei rih dawn a ni. Chawi ve thei tak ang maw?

Source 90Min

Related Posts

Leave a Reply

Your email address will not be published. Required fields are marked *

error: Content is protected !!